Home Hudicial Castigo di 8 luna den caso di destruccion y ladronicia

Castigo di 8 luna den caso di destruccion y ladronicia

0
0
SHARE
- Advertisement -

ORANJESTAD (AAN): Marlon J.B a aparece dilanti di mesa berde di corte di husticia Diabierna, despues di a worde acusa di varios biaha comete destruccionnan na auto di un persona den e periodo di 15 pa 16 di Mei.
El a worde acusa tambe di a los cabel di telefon di un restaurant riba 16 di Mei 2011 y di e manera ey a intencionalmente destrui of daña esaki.
Tambe e ta worde acusa di intento di ladronicia di belanan y otro obhetonan di un misa riba 25 di Maart 2011.
E ta worde acusa banda di esaki di ladronicia di 250 Florin di un persona riba 2 di April 2011.
Fiscal durante tratamento di e caso a exigi un castigo incondicional di 10 luna.
Banda di esaki dos di e personanan perhudica a entrega un demanda na huez.
Despues cu abogadonan Lianne Keteldijk Pieters y Peter Mohamed a trece nan defensa dilanti, huez a haya dos di e acusacionnan no legalmente comproba.

Pa e otro acusacionnan si huez a haya cu tabata tin suficiente prueba.
El a duna M.B un castigo incondicional di 8 luna.
Huez a declara e demanda di e personanan perhudica no admisibel.

- Advertisement -

DUNA COMENTARIO

Please enter your comment!
Please enter your name here