Home General Compra di edificio pa House of Europe mester worde investiga

Compra di edificio pa House of Europe mester worde investiga

1
0
SHARE
- Advertisement -

Benny Nisbet ta insisti
ORANJESTAD (AAN): Segun Benny Nisbet di PPA, e compra di edificio pa Utilities Aruba NV cu bendicion di Gobierno pa hinca TNO y House of Europe mester worde investiga! Pasobra, ta cuanto trahador Utilities Aruba NV tin cu por hustifica cu nan ta cumpra edificio pa nan mes? Antes nan tabata funciona cu 3 trahador! Esey ta conclusion di Nisbet, despues di analisa e informenan. Como dos siman pasa un noticia a worde pasa cu gobierno a cumpra un restaurant/edificio riba Sasaki. Naturalmente hopi ta esnan cu a puntra nan mes pa kico gobierno lo mester cumpra un edificio di un restaurant pa haci?
Algun dia despues e noticia aki a tuma mas forma y a worde publica cu gobierno a cumpra e edificio di un restaurant pa establece un asina yama “Cas di Europa” den dje!
Esaki a trece e ‘issue’ di e futuro relacion entre pais Aruba y Europa den discussion, muy enespecial relaciona cu e hecho cu acceptando un relacion UPG den futuro lo nifica entrego di un gran parti di nos Status Aparte Arubano…y tur esaki SIN cu gabinete Mike Eman a consulta cu pueblo Arubano ainda.

Seguidamente comunidad di Aruba por a tuma nota cu esaki ta berdad…… y cu Utilities NV riba instruccion di gobierno (?) a cumpra e edificio aki pa 1 million Dollar pa hinca den e instancia e instancia pa haci estudio riba tereno wetenschappelijk TNO y House of Europe y cu e instancia aki lo worde habri pa e Comissario Europeo Sr. Piebalgs cu lo ta na Aruba relaciona cu e asina yama Green Conference.

No cabe duda cu a bini preguntanan pisa….cual fondo a worde usa ??? Parlamento a aproba esaki ?? etc.

Dia 22 di oktober 2011 miembro di parlamento di AVP sr. Marlon Sneek a duna un declaracion cu a sali den prensa local cu e titulo: “ Edificio di Dolce Vita a keda cumpra pa Utilities Aruba NV pa elimina huur”….eyden a bay Utilities NV pa nan no paga Huur mas…, House of Europe y TNO…..aparentemente e Huur na Monumentenzorg lo ta un preocupacion pa UTILITIES..cu lo haci cu nan a dicidi di cumpra un edificio cu un valor di 1 miyon Florin (of Dollar).

Partido PPA lo kier pa Gobierno splica pueblo cuanto trahador Utilities nv tin cu nan por hustifica compra di un edificio pa un suma asina ??? E hecho cu nan lo por bay “verhuur” un parti na dos of mas instancia ta bin despues. Prome mester justifica na pueblo con e compania Utilities cu ta doño di WEB y Elmar por justifica pa cumpra un edificio pa un suma asina.

Cuanto trahador Utilities Aruba tin? Den pasado Utilities Aruba NV tabatatin 3 trahador esta un director… un administrador… y un secretaria, mientras esnan cu ta comissario ta tene nan reunion segun palabracion.

Ta normal cu un compania manera Utilities cu 3 trahador ta cumpra Edificio pa 1 million Florin/Dollar? Cumpra propiedad asina ta parti di e meta/Statuten pa cual UTILITIES Aruba a worde lanta?

Diripiente dia 24 di October Gabinete Mike Eman ta organiza un sorto di Conferencia di Prensa usando Skype na unda nan ta informa Dr. Edward Cheung cu Gobierno di Aruba a dicidi di duna su nomber na e Centro aki. ….! Un honor grandi por cierto.

E pregunta cu ta bin riba mesa ta… a dicidi di honra dr. Edward Cheung realmente pa su logronan como Arubiano? Nos tur como pueblo y nos di PPA ta sostene e intencion aki. Sinembargo esaki NO lo kita e necesidad di gobierno pa clarifica esaki debidamente, of gobierno mirando e ‘issuenan’ cu a bini den publicidad, e.o. gobierno a duna Utilities instruccion di cumpra un edificio? Pakico? Di kende? Pakico? E issue di UPG futuro relacion cu Europa?

Tur esaki a pone cu kizas gobierno a core busca un Arubiano cu bon nomber den nos comunidad pa su carera ….pa pone riba e Centro aki pa tapa boca di tur hende cu ta opone gobierno/Utilities den esaki ?? E asunto aki mester worde aclarea debidamente.

Pa colmo mayoria informacion di Europa ta obtenible via di Internet riba e webpagenan di Europa….!!! Pakico lo mester di un oficina apart ?
No kabe duda cu e ultimo palabra no a worde bisa ainda!
PPA ta di opinion cu e caso aki di compra di un edificio pa un Compania cu lo tin un cantidad minimal di trahador esta 3 …mester worde aclarea pa Gabinete Mike Eman …sin no E asunto aki lo keda cologa como un otro escandalo di otro mundo!

- Advertisement -

DUNA COMENTARIO

Please enter your comment!
Please enter your name here