Home General Den caso compra cuestionable di edificio pa Europahuis

Den caso compra cuestionable di edificio pa Europahuis

1
0
SHARE
- Advertisement -

Juan David Irausquin mester mustra cara
ORANJESTAD (AAN): E escandalo cruel di e compra cu ta hole corupto di e restaurant situa na Sasakiweg door di gobierno pa ubica un supuesto Europahuis, Utilities y TNO di Hulanda, ta algo cu a rebenta masha mahos mes den cara di gobierno di Mike Eman ayera y nan no tabata sa con pa trata na scapa curpa y cara di henter e situacion aki. Pueblo a haya sa ayera den transcurso di dia, con actonan cu ta hole na corupcion lo a tuma lugar cu e compra y venta di un edificio di restaurant situa na Sasakiweg, unda cu Utilities via un intermediario cual ta un compania Offshore, a cumpra pa e suma di riba 1.3 miyon Florin un propiedad cu tabata oficialmente balora na notario pa 900 y pico mil Florin.
E compania Offshore a strika 450 mil Florin riba lomba di e pueblo pagador di awa y coriente y tur esaki cu bendicion di e gobierno di Mike Eman pasobra tabata bon cla cu ta prome ministro himself tabata pusha pa bin cu un Europahuis y un oficina pa TNO di Hulanda y pa camufla henter e compra dudoso y cual awor a resulta cuestionabel tambe, nan a core bisa cu ta Utilities ta bay ta doño di e edificio y usa esaki como nan oficina tambe pa asina na no mester huur oficina otro caminda.

Aki ta unda cu awe pueblo kier haya sa di e parlamentario revolucionario di AVP, señor Juan David Irausquin, si e ta bay cuestiona e cumpramento dudoso aki di parti di su gobierno di AVP.
Den e proyecto di klasnan modular pa schoolnan, señor Irausquin a zapatea masha hopi mes y como resultado cu te awe e proyecto aki no por tuma lugar, aunke cu te ainda no tin ni un solo otro compania cu por a bin cu un mihor oferta.

Cu DIARIO a cuestiona e forma di actua di Juan David no ta nada di sconde y menos core pe y si den cual kier momento nos tabata diferencia di opinion esey ta algo cu ambos partido mester por biba cune den un sistema democratico y caminda cu si nos tabata fout, nos lo admiti y coregi esaki, mescos cu nos ta spera esaki tambe di señor Juan David Irausquin.

E motibo pakico e asunto particular aki ta worde treci pa dilanti ta cu, señor Juan David tabata tin criticanan hopi pisa riba e proyecto di klasnan modular cual a worde ofreci door di un compania local y no via un compania Offshore.

No tabata tin intermediario cu a cobra 450 mil Florin riba lomba di pueblo y menos cu esaki a bay via un compania Offshore cu no ta paga belasting completo na Aruba, manera un compania localmente registra si mester haci; cu e kier of no; nos yiunan di tera si mester cumpli.
Den e mesun rosea cu bo ta exigi pa yiunan di tera cumpli anto awe bo mester mustra cara y bay reclama bo mesun partido AVP y bo gobierno cu a cumpra un edificio bao di condicionnan hopi cuestionable y dudoso.

Pueblo kier wak e mesun Juan David Irausquin, alias Green Giant, bay zapatea den Parlamento y manda yama Prome Ministro Mike Eman pa e bay duna cuenta riba e escandalo di e edificio pa Europahuis, mientras pueblo ta sclama pa baha nan gastonan di awa y coriente tur fin di luna ora cu nan worde castiga door di Utilities via WEB cu Elmar.

Awor pueblo kier wak si Juan David Irausquin ta bay entrega mocion di desconfianza of pa trek in e compra di e edificio na Sasakiweg y laga otro doñonan di edificio cu no ta haci uso di compania offshore haci oferta na gobierno pa bende edificio pa Europahuis.

E biaha aki tambe e palabranan lo cay ; ‘si e ministro no cumpli, e mester saca su conclusion?’
Awor ta toca turno na Juan David Irausquin pa e mustra cara y demostra cu realmente e no ta dobla pa ningun hende pasobra awor ta su lider di partido Mike Eman ta den awanan cayente.
Ta kende tin cu saca su conclusion awor?

- Advertisement -

DUNA COMENTARIO

Please enter your comment!
Please enter your name here