Home General E manera con edificio destina pa Europe House a worde bendi, ta...

E manera con edificio destina pa Europe House a worde bendi, ta duna sospecho di labamento di placa

2
0
SHARE
- Advertisement -

Segun lider di MEP,
ORANJESTAD (AAN): Evelyn Wever Croes lider di MEP a trece dilanti den rueda di prensa di e partido geel, cu awor pueblo di Aruba cu tin caba problema pa paga su cuenta di awa y coriente, awor tin cu bay paga, pa Utilities por paga su hipoteca di 1,7 miyon Florin, pa nos por tin un Europe House, na nomber di señor Edward Cheung. Locual ta sosodiendo no ta aceptable y e no ta bon, segun e parlamentario. “Di mi trabao como fiscalista y abogado y siguiendo e desaroyonan di FATF mi por bisabo un cos y den tur literatura y riba internet bo ta mira cu na momento cu partidonan bin cu ABC transactie pa loke ta trata propiedad, e ta motibo di alerta, pues un motibo pa ‘red flag’”.
“Esaki ta e forma con labadornan di placa ta laba placa na un forma legal”.
Esaki segun Wever Croes, kende a bisa tambe cu e no ta bisa cu esey a sosode akinan pasobra e no por comproba esaki ainda, pero el a bisa si cu un Gobierno cu permiti pa esaki sosode cu su propio compania estatal, esaki ta algo sumamente condenable y tristo.

“Bo no por bisa di un banda, mi ta bay cambia tur ley y cu nos tin cu kita tur casino controleur di trabao pa cumpli cu FATF, poro na otro banda mi mes ta permiti labamento di placa sosode bao di mi nanishi”. Esaki segun lider di MEP, kende a sigui bisa cu MEP ta condena esaki y e no ta bay keda te eynan.

- Advertisement -

DUNA COMENTARIO

Please enter your comment!
Please enter your name here