Home Politica Gabinete Mike Eman no ta sostene ningun sugerencia pa kita hende for...

Gabinete Mike Eman no ta sostene ningun sugerencia pa kita hende for di gobierno!

0
0
SHARE
- Advertisement -

Prome Minister mr. Mike Eman:
Nunca esey tabata e meta di AVP!
ORANJESTAD (AAN) — Prome Minister mr. Mike Eman, den un entrevista cu DIARIO, a comenta cu locual el a yega di bisa como lider di AVP. ta cu e aparato gubernamental ta mucho grandi, y cu den nan calculacion tin como mil empleado di mas, unda cu e aparato por a opera mas eficientemente. “ Pero hamas y nunca nos a pensa riba kita hende. Pesey gobierno a introduci e maneho unda nos no ta yenando vacatura y mi tin cu bisa cu por ta den cuatro aña nos no ta logra cu nos tin mil hende menos den e aparato, door di no yena vacatura, pero nos ta papiando si di 500 pa 600 hende menos, pa motibo cu nos ta hopi streng door di no yena vacatura”, Minister Presidente a expresa.
E dignatario a subraya cu mescos cu por logra door di haci cosnan cu no ta humano, manera kita hende of bin cu un tipo di vutregeling manera den pasado, cu no a funciona, simplemente door di haci duro y wanta pa no yena puestonan vacante, aunke tin departamentonan ta keha riba esey, na cierto momento e vacaturanan ta cuminza crece, anto gobierno ta tuma hende di paden mes, dune un oportunidad pa e bay padilanti, y esey ta trahando.

“ Nos no ta kere den e necesidad di kita ningun hende for di trabao, manera cu a sugeri un tiki den e speech di Camara di Comercio, pero e discursonan ey den cierto ocasionnan, mi ta kere cu ta pa provoca discusionnan, pero en todo caso e no tin sosten di gobierno”, Minister Presidente a enfatiza.

- Advertisement -

DUNA COMENTARIO

Please enter your comment!
Please enter your name here