Archivo di November, 2011

Obituario Diaranzon 30 November 2011

Publication: Wednesday, 30 November 2011. Categoria: Obituario

Cumpleaños Diaranzon 30 November 2011

Publication: Wednesday, 30 November 2011. Categoria: Cumpleaños

Ata e mucha sweeet y strak ey. Awo cu ta su B-Day e kier traha cara inocente. Pero nos ta bay lage cu e illushon ey. Hiep Hiep Hoera pa nos bff Andrea Carrion. Best wishes di su extensive family. Di su lovely love Nchalla. Especialmente di su friends nan cu ta tuma les serca dje: Milo, Ida, Rachella, Angi, Freja, Ottmar, Gaby, Marcia, Sherrelies.

Love U mucho, best wishes.

:D :D :D :D :D :D :D :D :D :D

Si corte superior dicidi cu Giordano mester bay bek den detencion, Aruba lo pidi Merca pa su extradicion

Publication: Wednesday, 30 November 2011. Categoria: General

ORANJESTAD (AAN): Diamars Abogado General Taco Stein a duna un conferencia di prensa como vocero di Ministerio Publico pa loke ta trata e caso di desaparicion di e Mericano Robyn Gardner.
Durante e conferencia di prensa, Stein a bisa cu Diamars mes e sospechoso principal Gary Giordano a worde laga den libertad, despues di a sinta 30 dia mas den detencion preventivo.
Siman pasa fiscal a pidi un prolongacion di detencion pa e sospechoso di 30 dia mas, pero e huez a rechaza e peticion.

Asunto di waf ta mustra otro escandalo…. AVP ta poniendo presion pa sera deal

Publication: Wednesday, 30 November 2011. Categoria: General

For di Solo di Pueblo
Pueblo ta acepta cu Gobierno tin cu inverti y parti ganashi 50-50 cu cierto compania?
SANTA CRUZ: Haragan golos ta e nomber corecto? Cierto compania cu ta consisti di cierto famia local cu ta landa den placa no ta nada contento cu nan tin hopi placa, pero awor nan kier hopi mas placa. Nada contra si nan kier inverti pa gana back, pero categoricamente nos ta contra cu nan NO kier inverti, pero si kier haci bon ganashi. Den henter e asunto di waf aki tin hopi cosnan preocupante. E asunto ta asina cu na di prome lugar, durante un bid cu a tuma lugar, mas di 15 compania local a core pa e bid. Un compania so a BID y pa cual APA a bay sinta na mesa cu e compania ganador pa asina purba yega un acuerdo final.

Cachonan special a duna indicacion di holo di posibel cadaver na costa Noord

Publication: Wednesday, 30 November 2011. Categoria: General

Den caso di desaparicion di Robyn Gardner,
*FBI a listra cas di Giordano na Merca y a confisca algun computer
ORANJESTAD (AAN): Durante un conferencia di prensa na Ministerio Publico caminda cu Abogado General taco Stein a papia di e caso di desaparicion di e Mericano Robyn Gardner, el a trece dilanti tur cos cu te ainda autoridadnan di Aruba hunto cu FBI a haci te ainda den e investigacion. El a splica cu durante varios dia den comienzo di e caso, a busca pa wak si por a haya Robyn, usando entre otro boto, avion y helicopter.

Ni hemchi di verf ta scapa na man di ladron

Publication: Wednesday, 30 November 2011. Categoria: General

ORANJESTAD (AAN): E ultimo tempo ladronnan ta circula manera abeha y nada no ta scapa sea den auto, cas, of empresa. Nan ta pone man riba tur cos cu nan topa mal para. Si tin di kibra drenta tambe nan ta risca pa horta.
Diadomingo merdia, polis di distrito 2 a bay na un cas situa na Palm Beach.
Na e cas polis a atende e homber di inicialnan J.C.P. naci na Venezuela di 36 aña.

Dos siman y nada di paradero di Albania

Publication: Wednesday, 30 November 2011. Categoria: General

ORANJESTAD (AAN): Diabierna ta bay hasi dos siman cu e mama preocupa no a tende nada, tampoco a localiza su yiu muher di kende no sa su paradero.
Ta trata di e mucha muher alumno di EPB Hato, Albania Marulanda naci na Colombia 12 di November 1995, di kende ni school, ni famia sa di su paradero.
E ta wordo busca pa su famia cu ta birando desespera y ni autoridad cu a wordo notifica te ainda no a localiza e mucha aki.

Pension di behez ta inalienable, y tampoco por use como borg!

Publication: Wednesday, 30 November 2011. Categoria: General

Director di SVb, Edwin Jacobs ta splica:
ORANJESTAD (AAN) – Den entrevista exclusivo cu director di SVb, Ing. Edwin Jacobs, basa riba un caso cu a yega na nos redaccion, nos a puntre si e pension di AOV (behez) por wordo tuma den beslag, pa motibo di un debe cu un instancia financiero. Señor Jacobs, basa riba articulo 18 di e seguro general di behez, ta bisa cu e pension di behez ta inalienable. Kiermen cu e no ta traspasable pa otro persona cu no ta esun cu tin derecho riba dje. “ Conforme articulo 18 inciso 1 di e ley di AOV, e ta señala tres aspecto importante: 1. E pension ta inalienable. E pension ta solamente di e persona na cual e ta wordo otorga y cu tin derecho riba dje. 2. Bo no por uza e pension pa empeña esaki. Bo no por use como borg pa fianza, etc. 3. E unico forma cu por pone un tipo di beslag riba e pension, ta ora cu e pensionado tin obligacion di alimentacion. E momento ey por pone beslag riba e pension pa un maximo di un tercer parti di e suma, no mas cu esey”, director di SVb a bisa.

Malcontento cu maneho di hospital ta sigui crece

Publication: Wednesday, 30 November 2011. Categoria: General

Maikel Kelly MEP
ORANJESTAD (AAN): Durante conferencia di prensa di MEP dialuna ultimo, dr. Maikel Kelly a sigui elabora riba e tema di problemanan den hospital.

Siman pasa dia 23 di November ma trece informacion dilanti relaciona cu situacion na Hospital caminda mi a menciona tambe e nomber di sr. Theo de Kool.

“Mi mester bisa cu pa esaki mi no tin prueba. Y pesey mi ta retracta mi palabranan relaciona cu sr. de Kool.

Pero mi mester bisa si cu esaki ta informacion cu nos a ricibi di e hendenan di Hospital.
Siman pasa mi a trece e asunto di hospital unda cu Ruben Croes a worde kita for di trabao y cu esaki a trece cune un gran cantidad di problema. Sindicato a strike pa un ora y nan a traha un carta cu nan kier a entrega na director di Hopital, sr. Boesten, pero e no tabata na Aruba.

Aparentemente, loke a sosode cu e mama cu a fayece na Hospital ta espantoso!

Publication: Wednesday, 30 November 2011. Categoria: General

Segun fuente fidedigno:
ORANJESTAD (AAN) – Locual DIARIO a scucha di un fuente fidedigno, tocante locual, aparentemente, a sosode cu e mama cu a fayece na momento di a duna luz, ta realmente horible.
DIARIO no ta tribi di ripiti kico ta locual nos a worde informa tocante e caso, pa motibo cu nos no tin prueba tangible, pero e fuente a papia di “dos burdugo” y “dos carnicero!” cu a atende cu e dama. E fuente di informacion a bisa nos cu e sa di e caso y a papia manera un hende cu por tabata masha cerca di locual por a sosode, y ta tristo cu gobierno a dispidi e mehor Ginecologo cu tabata tin na Aruba cu ta dr. Lopez Dorado, sin tene cuenta cu e necesidadnan real di nos pueblo.

Mary Hamer kende ta yuda Joran van der Sloot financieramente, ta bisa:

Publication: Wednesday, 30 November 2011. Categoria: General

“Mi ta convenci cu FBI a pone un trampa pa Joran”
PERU: E muher muher Mericano Mary Hamer kende a bisa amiga di yuda Joran van der Sloot y a yuda cu miles di dollar caba, ta sigui papia hopi bon di e Hulandes cu a worde acusa di asesina Stephany Flores na Peru.
Segun sra Hamer, Joran a stop di gamble y cu e ta desaroyando su mes positivamente.
“Biaha pasa mi a ofrece pa nos hunga un wega di placa pa 10 dollar y el a bisami cu e no ta haci esey mas”.

Denuncia di ladronicia contra “Poes Mecanico”

Publication: Wednesday, 30 November 2011. Categoria: General

ORANJESTAD (AAN): Tin un dicho cu ta bisa cu trempan of laat tur cos lo sali na claridad. Dialuna merdia un señora a pidi presencia di polis na Sero Blanco na altura di Frio max.
Patruya di Oranjestad a worde instrui pa central di polis pa bay na e lugar y nan lo topa un señora cu lo indica nan un auto Suzuki, Side kick color blanco A 6070.
Polisnan enberdad a wak e auto y un señora para banda di e vehiculo.
Ta trata di e señora di inicialnan I.K. cu a bisa cu e number pega riba e auto ta pertenece na su persona.

Servicio di Impuesto lo ta cera diabierna awor

Publication: Wednesday, 30 November 2011. Categoria: General

ORANJESTAD (AAN): Servicio di Impuesto ta participa cu diabierna awor, 2 di December, su oficinanan lo ta cera henter dia en conexion cu celebracion di Dia di Belasting.
Esaki ta nifica cu diabierna awor no lo tin servicio na publico tanto na oficina principal como na e oficinanan di gobierno na Paradera, Sta. Cruz, Savaneta y San Nicolas.

SIAD no a haya opdracht pa ehecuta amienda unanime y baha tarifa riba number auto

Publication: Wednesday, 30 November 2011. Categoria: General,Politica

Lider di PDR cu carta pa Minister:
ORANJESTAD (AAN) – Diamars mainta, a tuma lugar e conferencia semanal di prensa di fraccion di Partido Democracia Real.
Parlamentario mr. Andin a trata diferente punto di agenda, cuminzando pa un amienda cu PDR a presenta dia 6 di Juni ultimo, cual a haya sosten unanime di Parlamento, pero te ainda e no a wordo ehecuta pa gobierno. El a referi na e amienda pa rebaha e tarifa riba numbernan di auto cu ta core riba diesel, gas, hybrid y coriente.
Fraccion di PDR por a tuma nota, no obstante cu nan a manda carta pa e Minister concerni puntrando con leu ta cu e mocion aki, cu e no a wordo ehecuta.
Di locual tambe PDR a tuma nota ta cu dia 6 di December proximo, por cuminza paga e numbernan di auto sin cu tin cambio di tarifa den e autonan cu el a menciona.

Caso di droga pospone te cu Februari

Publication: Wednesday, 30 November 2011. Categoria: General,Judicial

ORANJESTAD (AAN): Recientemente e Colombiano Alfonso R.L biba na Venezuela a presenta dilanti di huez, debi na e hecho cu el a worde acusa di exportacion di cocaina di 4 pa 6 di September 2011.
Mirando cu no tabata tin espacio pa trata e caso, fiscal a propone dia 10 di Februari pa haci esaki y huez a bay di acuerdo.