Home General ABC Transactie ta riesgo pa labamento di placa segun MOT

ABC Transactie ta riesgo pa labamento di placa segun MOT

0
0
SHARE
- Advertisement -

Evelyn Wever-Croes
ORANJESTAD (AAN): Den reunion den Parlamento diamars, parlamentario Evelyn Wever-Croes a demostra cu MOT ta esun cu ta cataloga ABC-transactie como riesgoso pa labamento di placa, y pesey bo mester ta cauteloso cune. Nos no a acusa ningun hende di labamento di placa, nos a cuestiona pakico a usa net e ABC-transactie aki. “Esnan cu kier trose nos palabranan mester corda cu e berdad semper ta alcansa e mentira. Nos ponencia tabata, cu ora partidonan usa un ABC transactie, nan mester ta extra cauteloso. No ta MEP a bisa esey, no ta ami a bisa esey, ta MOT ta stipula esey. Mi tin aki un documento di MOT. cu ta bisa na pag. 24 cual ta entre otro transaccionnan cu segun MOT y Banco Central mester worde considera como ONGEBRUIKELIJK den e terminologia di labamento di placa, y eynan boso por mira cu ABC-transaktie ta un di nan.

Ta bon pa nos pone e cosnan cla, AMI no a acusa hende di labamento di placa, AMI a alerta hendenan cu ta haci uso di e tipo di transaccionnan ABC pa tene cuidow, pasobra MOT ta bisa esey.

Awor AVP ta bisa cu ami mester pidi despensa. Mi ta contento di tende cu AVP sa kico e palabra PIDI DESPENSA kiermeen, pasobra pa 8 aña ma kere cu nan a lubida kico esey ta, nan a lastra cantidad di hende den lodo sin pidi despensa un dia. Awor cu ami ta cuestiona cosnan cu a bay malo, pasobra akinan cosnan a bay malo, diripiente AMI mester pidi despensa. Si mi a ofende hende, sigur lo mi pidi despensa, pero esaki no por strobami di cuestiona accionan dudoso di gobierno, y esaki sigur ta un accion hopo dudoso.

REUNION YAMA PA AVP
AVP ta esun cu a yama e reunion di ayera, pero por a nota cu nan tabata masha mal prepara. Ora a yega e momento pa nan cuminsa haci pregunta, ya cu ta nan a pidi e reunion, un a cuminsa wak otro, y te hasta nan tabata kier pa MEP cuminsa.

Nan a bisa cu ami lo no a haci pregunta, mi a presenta un documento cu 63 pregunta, di cual apenas 23 a worde contesta. Nos fraccion tabata tin mas di 100. Pero ainda nos no a los tur nos preguntanan, pasobra nos ta warda nan pa e reunion publico cu nos a pidi, y cu nos ta spera worde yama hopi liher. Pasobra eynan si ta bay tin debate, y eynan si e Minister mester bin responsabilisa su mes. E no por sconde mas tras di un batayon di experto.

RESUMIENDO
Nos problema ta cu akinan Utilities a drenta den un aventura financiero, cu un hypotheek halto pa paga, hincando Gobierno di Aruba tambe den un debe adicional awor pa paga huur.
Mientras cu henter nos pueblo y henter Parlamento a mustra bon cla cu Utitlties, WEB y Elmar mester BAHA gasto, pero nan ta subi gasto so.

Ademas, pa nan bay den un deal caminda cu nan por a cumpra e edificio directamente for di e doño, pero ta prefera di hacie via di e middle-man, pagando asina 450 mil Florin mas, ta keda algo hopi dudoso. Bottom line den e caso aki ta cu un hende of un grupo di hende a gana 450 mil Florin riba lomba di Utilities. Nos no a ta ken a gane, pero nos sa si ken mester page back, y esey ta e pueblo di Aruba, Evelyn Wever-Croes, lider di MEP a señala.

- Advertisement -

DUNA COMENTARIO

Please enter your comment!
Please enter your name here