Home General Aworaki tin mas garantia riba continuidad di servicio di grua!

Aworaki tin mas garantia riba continuidad di servicio di grua!

0
0
SHARE
- Advertisement -

Alfonso Boekhoudt:
ORANJESTAD (AAN) – Den entrevista cu sr. Alfonso Boekhoudt, Director di Aruba Port Authority, el a duna di conoce cu e problema cu grua a keda tras di lomba, ora cu carga yega na waf.
Na e momentonan aki por tuma cu trankilidad cu si un grua ta for di servicio, tin mesora e solucion cu nan por traha cu otro grua, y no manera antes cu mester a tene cuenta si e barconan tabata tin grua of no y con APA por a brinda e servicio.
Tambe ta asina cu e grua di e barconan no por hisa e mesun peso cu e grua gentry of e movil por lanta, locual tambe tabata un factor limitante den pasado, pero awor e dos gruanan por lanta tur e peso cu barconan ta bin cune, y APA mes por realiza e mantencion cu e gruanan ta rekeri na un manera mehor.
Locual no ta sosodiendo ta traha cu ambos grua simultaneamente. Sr. Boekhoudt a splica cu esaki ta implica cu mester di hopi mas hende, y e compania no por opera dos grua na mesun momento.

Boekhoudt a agrega cu e grua gentry aunke e ta dunando un hopi bon servicio, mester recorda cu e ta uno basta bieu, y e hecho cu tin un grua movil ta duna un hopi mehor perspectiva y seguridad di continuidad di servicio.

- Advertisement -

DUNA COMENTARIO

Please enter your comment!
Please enter your name here