Home General Dos aña caba ta advirtiendo pa e construccionnan ilegal

Dos aña caba ta advirtiendo pa e construccionnan ilegal

0
0
SHARE
- Advertisement -

Ing Marlon Croes di DOW:
ORANJESTAD(AAN): Diahuebs a surgi un situacion den area di hotel caminda funcionarionan di DOW a desmantela algun construccion cu a worde haci di forma ilegal. Den combersacion cu ing. Marlon Croes di DOW, el a splica cu esaki ta un problema cu nan a bin ta señalando for di tempo a cuminsa cu cierto desaroyo den area di e hotelnan grandi. For di e tempo ey caba, durante e construccion a indica na nan cu tin cambio den ley di construccion y loke cu nan ta haciendo ta ilegal pa asina nan mes deshaci di e construccion ey, pa mantene un desaroyo ordena den e area. Pero esey no a sosode durante e ultimo dos añanan.


E propietarionan a dicidi di entabla diferente caso pa trata di evita cu e construccionnan ta worde desmantela. Pero tanto Corte como LAR a duna Gobierno rason, cu ta loke ta haciendo ta valido. Despues di e decisionnan den Corte, atrobe Gobierno a manda carta pa e personanan aki mustrando riba e decisionnan cu a cay y cu nan mester deshaci di e construccionnan extra cu nan a haci na nan negoshi.

Pero no a haya reaccion pa cual ayera a deshaci di cuminsa pa haci e desmantelacion. Segun Croes, tin casi dos aña tratando pa e hendenan mes kita e material extra poni, pero sin resultado, encerando tur e procesonan legal.

Tin caso cu ta bisa di tin un permiso verbal for di un ex gobernante, pero ta studiando con pa sali for di dje. Ing Croes ta splica cu pa tur construccion mester tin un bouwvergunning.

Na di dos luga e vergunning pa e tereno ta bisa bon cla pa kico e ta destina y na di tres tin e rooilijn cu mester worde respeta. Y no a cumpli cu nan debidamente, y ya caba durante e construccion a manda advertencia pa cual a dicidi di actua awor.

- Advertisement -

DUNA COMENTARIO

Please enter your comment!
Please enter your name here