Home General Dos minister di Aruba formando parti den mision economico di reino na...

Dos minister di Aruba formando parti den mision economico di reino na Brasil

1
0
SHARE
- Advertisement -

ORANJESTAD(AAN):–Diferente pais di mundo ta mirando cu dos wowo desaroyonan economico hopi positivo tumando lugar na Brasil. E pais ta creciendo grandemente. Esey ta motibo tambe cu tin bishita di esnan di reino na Brasil e momentonan aki. Actualmente Henk Bleker secretario di estado di agricultura y asuntonan di exterior na Hulanda y hunto cu diferente funcionario Hulandes y di Brasil a topa otro. Varios dia intensivo di reunion lo tuma lugar den e mision Economico di Reino Hulandes na Brasil. Nan lo ta na Sao Paulo, Rio de Janeiro y Brasilia. E encuentronan aki tin participacion di 40 compania unda gobiernonan di Hulanda y Aruba lo intercambia cu nan riba e posibilidadnan cu por existi. E contactonan aki ta hopi importante.

Ta un mision di reino cu ta tuma lugar varios biaha pa anja rond mundo. Tur aña nan ta bin Brasil tambe pasobra Brasil ta un pais di prioridad grandi pa Reino Hulandes incluyendo Aruba. Lo tin reunionnan uno tras di otro caminda lo tin dos minister of un minister presente. Tin caminda cu e reunionnan ta mas den priva entre esnan envolvi.

Dialuna anochi lo tin un encuentro tambe organiza pa Paul Comenencia e Consulado General di Reino na Rio de Janeiro. Lo tin un tipo di netwerking pa esnan di reino topa cu contactonan Brasilero. Algun di esnan na Hulanda manera menciona formando parti di e delegacion ta minister Otmar Oduber encarga cu turismo y transporte hunto cu Mike de Meza vice prome minister di Aruba y encarga cu energia tambe.

Di Hulanda tin tambe apart di secretario di estado Henk Bleker, Henk Markerink CEO di Amsterdam Arena y Arena do Brasil. Por a mira Mario Borghini encarga cu proyectonan strategico y desenvolvimento economico, Guilermo Piernes Consorcio di Copa Mundial 2014 y cu ta sali for di e ministerio di deporte. Dialuna lo tin reunionnan cu esnan di Shell, seminario di e oportunidadnan di reino cu Brasil.

Lo tin te hasta un conferencia caminda e dos ministernan di Aruba tambe lo participa na mesa hunto cu secretario di estado. Den e dianan cu ta sigui nos lo sigui e reunionnan aki y keda informa e comunidad riba e mision importante aki pa reino unda Aruba ta un hub importante pa cualkier logro positivo cu keda logra tambe.

- Advertisement -

DUNA COMENTARIO

Please enter your comment!
Please enter your name here