Home General DOW a bin ruim op construccion ilegal na South Beach Plaza

DOW a bin ruim op construccion ilegal na South Beach Plaza

0
0
SHARE
- Advertisement -

Buster’s Garage a perde su Outside Deck!
ORANJESTAD(AAN): Diahuebs durante oranan di mainta DOW acompaña pa polis a pasa na diferente compania cu no tabata cumpli cu ley door di construi of pone cierto propiedad ariba tereno di Gobierno y sin permiso. Diahuebs mainta DOW a mustra cada instancia cu leynan di Aruba tey pa obedece y no pa nan haci locual cu nan kier. DOW a pasa mainta na Paseo Herencia unda cu tabata tin un señal ariba tereno di Gobierno y a laga kita esaki. Sigur esaki no a bay asina facil mirando cu e doñonan di Mall no tabata contento cu e acto aki mirando cu e ta algo cu a costanan hopi placa pa construi.
Ora cu DOW a termina, a sigui pa Busters Garage na South Beach Centre, na unda cu a laga kita henter e dek pariba di Busters cu sigur ta ilegalmente traha y no tabata tin ningun permiso pe. E deck aki no tabata inclui den e mapa original, y e tempo aya parce a haya un ‘toestemming verbal’ di Nel. Pero awor esey no ta suficiente!

Akinan doñonan di South Beach Mall y tambe di e lugar no a keda nada contento y a cuminsa discuti fuertemente cu Polis y personal di DOW.

Por a compronde di parti DOW cu a duna tur e companianan un carta informadonan cu locual cu nan a construi no ta segun ley y cu nan lo laga kita esakinan. E doñonan di e mall a hiba Gobierno corte y a perde e caso. DOW a pasa ayera informadonan cu nan lo pasa Diahuebs 10 di November na e establecimento menciona pa asina hala kita tur cos y cu nan tin e oportunidad pa kita tur nan productonan of cosnan di balor.

E doño di Busters Garage no a tuma e advertencia na serio y a laga tur cos poni. Ora cu DOW a cuminsa cu nan trabao pa kita e propiedad extra cu a ser construi ilegalmente, e doño a cuminsa zundra pidiendo pa chens pa e por kita su cosnan di balor. Mester menciona cu ta e mesun trahadonan di DOW a bay yuda e doño di Busters Garage move su pertenencianan.

Ora cu tur cos a worde kita, DOW a sigui cu accion di desmantela e extra propiedadnan pa asina mustra un y tur cu leynan tey y mester cumpli cu nan. No ta descarta cu e accion aki lo sigui na mas establecimento cu tin cosnan contra di ley construi ariba nan. Mester bisa cu tur e doñonan ta sumamente rabia mirando cu nan a perde basta cos y sigur hopi placa benta afo.

Hasta tin un di e doñonan cu a informa cu e no a ricibi un carta y DOW mester a daña su LED cu e tabata tin poni. Interesante pa sigui e caso aki su desaroyonan. Algo cu ta data desde gobernacion anterior ora cu ex prome minister parce a duna permiso verbal y e minister e tempo ey di infrastructura a base di DOW a mustra cu no por. Awe cu un gobernacion nobo ainda e problemanan a sigui den corte te cu DOW a haya razon y a actua tambe despues di un of mas advertencia.

- Advertisement -

DUNA COMENTARIO

Please enter your comment!
Please enter your name here