Home General Europe House ta bay costa Utilities 2.380.000 Florin

Europe House ta bay costa Utilities 2.380.000 Florin

0
0
SHARE
- Advertisement -

Segun Lider di MEP,
ORANJESTAD (AAN): Pa loke ta e asunto dudoso rond di Europe House, parlamentario y lider di MEP Evelyn Wever Croes a bisa cu den un di su defensanan Gobierno a bisa cu Utilities ta bay cobra huur na entre otro TNO y ‘Cas di Europa’, pero cu esaki ta otro mentira. El a splica cu ni TNO ni Cas di Europa ta paga huur, sino Gobierno ta paga huur ey pa nan. “Pakico uza mentira asina pa defende bo mes den un posicion cu no ta bon”. “Esaki ta pone un mancha scur riba un idea noble, un idea di cooperacion cu Europa, cu un nomber di un ciudadano ehemplar cu dr. Edward Cheung, pero tambe e ta pone e bon nomber di Aruba descredito, pasobra ya caba den prensa Hulandes den fin di siman a Sali un articulo caminda ta bisa cu segun prensa local e edificio a worde cumpra cu placa bao di mesa.
“Si Gobierno tabata transparente y a Sali mesora y a bisa kico a pasa, porta nada lo no a pasa, pero nan no ta bisa nada”, segun sra Wever Croes.

“Tambe nos a denuncia cu aki tin falta di cumplimento na belasting di 51 mil Florin, pasobra awor Gobierno ta bisa nos tabata sa cu e edificio ta bal 2,2 miyon Florin, pero nos ta paga ‘overdrachtsbelasting’ riba 1.350.000 Florin”.

Esaki segun lider di MEP, kende a bisa cu esaki ta pone un fraude fiscal di 51.000 Florin, caminda cu Gobierno mes ta permiti pa horta placa di belasting.

Sra Wever Croes durante conferencia di prensa di e fraccion geel a presenta na prensa un akte di hipoteca y el a bisa cu bo ta mira cu esaki, cu e akte ta pa 1,7 miyon Florin.

Ta bin acerca 680.000 Florin na gasto y interes y esaki ta trece un debe total pa Utilities N.V di 2.380.000 Florin, cu Utilities mester bay paga back aworaki.

- Advertisement -

DUNA COMENTARIO

Please enter your comment!
Please enter your name here