Home General Financiamento na famianan pa cumpra un airco inverter por worde haci door...

Financiamento na famianan pa cumpra un airco inverter por worde haci door di ELMAR

0
0
SHARE
- Advertisement -

Parlamentario Donny Rasmijn-AVP
ORANJESTAD (AAN): Parlamentario Donny Rasmijn y colega Andin Bikker ta atendiendo un dialogo politico riba eficiencia di energia na Santo Domingo, Republica Dominicana. E dialogo a worde organiza door di CEPAL unda cu Parlamento Latino su comision di Energia y Minas tambe ta participando. E dos Parlamentarionan ta representa nos pais den e comision aki unda cu hopi informacion ta worde intercambia riba e tema di energia. Segun estudionan di CEPAL, e demanda di petroleo mundial por baha cu 56% si energia por worde usa na un manera responsabel y eficiente.
Den e dialogo aki tecniconan, bankeronan y politiconan ta participando pa asina promove proyectonan y leynan pa implementa programanan pa baha uso di energia.

Na Aruba por ehempel, e costo di energia ta halto door cu casi tur cas ta haci uso di airco. Si e famia por cambia nan airco pa uno inverter e lo spaar alrededor di 50% riba consumo di energia di airco pasobra esun inverter ta hopi mas eficiente.

E problema ta cu e airconan aki ta costo mas cu esun normal. Si un famia tin e placa pa cumpra e airco inverter no ta problema pasobra e ekipo lo paga pa su mesun inversion den un termino di un aña. Dependiendo con hopi e ta worde usa y di e prijs di fuel oil.

Un famia cu no tin e manera financiero hopi biaha ta cumpra e airco normal cu ta costa menos pero ta gasta 50% mas energia en comparacion cu un inverter. “E realidad ta cu net e famia cu no tin e manera financiero cu cumpra e airco normal, lo bay haya un cuenta di coriente mas halto pa luna treciendo e famia den mas problema financiero”, Rasmijn ta bisa.

Durante di e dialogo a worde discuti e posibilidad pa e consumidor worde financia pa cumpra un aparato inverter. E realidad ta cu banconan no ta financia un famia cu no tin e manera financiero y tampoco un fianza cu ta relativamente abou. Peor ainda si no tin leynan pa garantiza nan placa cu ta worde inverti.

Na Aruba nos tin un compania cu tin e monopolio pa distribui coriente. ELMAR por financia e famianan di menos recurso pa cambia nan airco normal pa uno inverter sin core riesgo. Ora e famia tin un airco inverter su cuenta di coriente lo baha y parti di e ahoro aki por worde usa pa paga e airco cu ELMAR a financia den termino.

“Dus ELMAR ta haya su placa garantisa back for di e cliente mensualmente y e ta specifica esey riba e recibo”. Ademas, cada cliente di ELMAR tin un deposito na ELMAR cu tambe por worde usa como un garantia. “Compania ELMAR tin monopolio riba nos pais y nan mester tin e responsabilidad social pa yuda famianan reduci nan costo di energia”.

Pronto Parlamentario Rasmijn lo reuni cu ELMAR NV y Utilities NV pa splica e financiamento aki cu por worde realisa cu ningun of cu cambionan minimo den ley.

- Advertisement -

DUNA COMENTARIO

Please enter your comment!
Please enter your name here