Home General Guardacosta a rescata naufragonan riba laman

Guardacosta a rescata naufragonan riba laman

0
0
SHARE
- Advertisement -

Nan a subi laman mal prepara!
ORANJESTAD (AAN): E centro di coordinacion di rescate di Guardacosta di Area Caribense, a ricibi Diamars anochi un informe cu un boto chikito a sali merdia di Curacao cu tres hende abordo rumbo pa Bonaire. Pero pa 9 pm ainda nan no a yega. Segun e informe, esnan abordo no tin salbabida, sin radio, y tampoco nada di compas. Den cooperacion cu CITRO, mesora a cuminza cu un accion di buskeda. E avion Dash-8, y tambe Aurora, cu ta un unidad di CITRO, henter anochi a keda busca rond riba e boto, cu ta un Boston Whaler chikito.
Mainta trempan, hasta un Super-RHIB, e helicopter AS-355 di Guardacosta, y Orca II di CITRO a worde inclui tambe den e buskeda.

Banda di 7:30’or, e helicopter a bin topa cu e boto, y mesora a pasa e posicion na e Super-RHIB, cu a bin den su area.

Banda di 8’or di mainta nan a yega, y asina a dicidi na lastra e boto. A resulta cu e boto a haya problema cu motor, y pa colmo e boto chikito a cuminza yena cu awa. Tog e naufragonan tabata den bon salud.

A cuminza cu un investigacion, y claro a mustra cu e personanan aki a start cu un viahe masha mal prepara. Aunke Guardacosta semper lo yuda tur hende, tog esaki ta exigi hopi esfuerzo. Pesey esnan abordo a haya un scual, y a ricibi un boet tambe.

- Advertisement -

DUNA COMENTARIO

Please enter your comment!
Please enter your name here