Home General Minister Dowers no tin intencion di fusiona Imigracion cu Cuerpo Policial

Minister Dowers no tin intencion di fusiona Imigracion cu Cuerpo Policial

0
0
SHARE
- Advertisement -

TOPA satisfecho di reunion cu e mandatario:
ORANJESTAD (AAN) – E reunion cu a tuma lugar entre Minister mr. Arthur Dowers y Sindicato TOPA, a bay den un bon ambiente, segun e sindicalista Rene Bernabella a bisa, den entrevista cu DIARIO. Bernabella a señala cu varios punto a worde treci dilanti durante e reunion aki, dentro di cualnan a resalta e asunto di promocion pa e trahadornan di Imigracion y di con esaki ta tardando pa esnan cu a drenta na ultimo pa loke ta concerni nan landsbesluit.

Di parti di Minister Dowers el a splica cu e ta repasando henter e trayectoria con henter e proceso aki a bay, y tambe e mandatario a bin cu e sugerencia, entre otro, pa reactiva e opleidingnan cu mester duna, un biaha mas.

E sindicalista a bisa cu algo cu a resalta den e perspectivanan di e minister ta cu tin vak cu no a worde bon duna y no a worde bon compronde, pesey e ta boga pa reactiva e cursonan, no solamente pa esnan cu a drenta na ultimo, pero pa e otronan cu tin añanan caba trahando na Imigracion na Aeropuerto.

El a agrega cu Minister, pa loke ta trata maneho di imigracion, e ta haya cu mester tin un forma mas profesional y cu esaki ta un di e asuntonan cu e ta trahado riba dje aworaki, y ta su intencion pa lanta un comision consistiendo di hefenan di diferente departamento, entre nan esun di seguridad, pa asina e tin un mehor bista riba den ki direccion y den cual forma e kier mira e departamento di imigracion bay den futuro y asina pone activa manera mester ta.

Bernabella no ta kere cu Minister di Husticia tin intencion di fusiona Departamento di Imigracion na Cuerpo Policial. Alomenos no ta locual e sindicalista por a compronde for di su encuentro cu e mandatario.

Cu tin algun aspecto cu mester bin back manera tabata tin tempo cu Imigracion tabata cay bao KPA, ta un pensamento cu TOPA mes ta apoya, specialmente riba e aspecto di disciplina, pa loke ta trata e forma di traha y di controla.

Bernabella a subraya cu e dignatario a pidi un poco mas di tempo, principalmente pa e comision cu dentro di poco e lo instala pa traha riba profesionalizacion di e departamento, door di cuminza manda algun trahador pa haci opleidingnan cu ta necesario.

- Advertisement -

DUNA COMENTARIO

Please enter your comment!
Please enter your name here