Home General Pueblo preocupa cu costonan Administrativo riba pension general ta desproporcional

Pueblo preocupa cu costonan Administrativo riba pension general ta desproporcional

1
0
SHARE
- Advertisement -

Posiblemente PDR lo bin cu amienda:
ORANJESTAD (AAN) – Den e contexto di e pension general, Parlamentario mr. Andin Bikker a bisa den conferencia di prensa, cu tin un otro aspecto cu ta trece preocupacion den pueblo, y PDR ta bay pone atencion na esaki, kizas hasta via un amienda. Esaki ta cu diferente compania di seguro cu ta bay ofrece e producto aki, mayoria di nan ta papia di costonan di administracion di como 11 porciento. “ Mi ta garantiza bo 4 porciento bo ta duna mi 11. Anto, nos ta haya cu pa e trahador humilde cu ta bay contribui cu sumanan no di e grandi eynan, por ehemplo un persona cu ta gana minimum loon of cu tin un entrada no mucho grandi, ta bay haya cu nan ta bay cobre un suma basta desproporcional den nos concepto, pa administra y garantiza e 4 porciento returning investment”, mr. Bikker a subraya.


Parlamentario mr. Bikker a bisa cu por ehemplo, si ta asina cu ta 11 porciento ta bay cobra, cu tur e placa nan ta cumpra bononan di gobierno, duna bo cuatro y cobra bo 11.

“Anto, loke nos ta bay studia ta, den deliberacionnan wak si nos por yega na un maximo cu lo tin mag di cobra na costonan administrativo, cu por worde adapta via un decreto ministerial of di LBH.

Pues esey ta un posible amienda, cu nos lo por presenta den sala, pero en todo caso esaki ta un critica y remarca cu nos ta haya for di pueblo, cu nan ta sinti cu e costonan pa administra e pension general kizas ta mucho halto y desproporcional y nos tin cu duna atencion na esaki”, Parlamentario mr. Andin Bikker a acentua.

- Advertisement -

DUNA COMENTARIO

Please enter your comment!
Please enter your name here