Home General Ruben Croes manda cas cu vacacion obligatorio cu pago pendiente su mesun...

Ruben Croes manda cas cu vacacion obligatorio cu pago pendiente su mesun decision

48
0
SHARE
- Advertisement -

Dr. Anoud Boesten: Decision ta pa bon di Hospital
ORANJESTAD (AAN): Gerencia di Dr. Horacio Oduber Hospitaal a tuma e decision diaranzon mainta pa manda Ruben Croes cu un luna di vakantie particular cu salario. Tambe el a haya un carta den su man den cual ta ofrece pa escoge entre 2 funcion nobo na Hospital, cu hasta ta nifica un aumento den su salario. Tur esaki cu e condicion si cu e no por keda mas den e funcion di hefe di Eerste Hulp (Spoed Eisende Hulp) mas. Ruben Croes a yega diaranzon mainta compaña pa 3 miembro di sindicato ABV, un ruman muhe y su abogado Benvinda de Sousa. Gerencia di Hospital a dune un carta y a elabora riba e decision aki, cu ya Croes tabata na altura di dje desde september caba.


Abogado de Sousa a expresa durante e reunion cu nan ta evalua pa cuminsa un caso sumario contra gerencia di Hospital pero specialmente contra Dr. Anoud Boesten personalmente pa persecucion di Ruben Croes. Sindicato ABV tambe a expresa cu nan ta sostene Croes y ta sinti cu Boesten tin algo personal contra dje.

Dr. Boesten a bisa pafo durante un entrevista cu e tin masha respet pa Ruben Croes y cu e ta kere cu e ta un bon hende y un profesional riba su tereno como “gipsmeester”. E problema sinembargo ta den su capacidad di liderazgo y di maneho.

Eerste Hulp tin hopi problema y tin hopi critica. Gerencia di Hospital ta consciente cu tin hopi cos pa drecha eyden, pero un di nan sigur ta e maneho y den esaki e hefe tin di move for di e posicion pa por trece cambio.

Parce cu na mas di un ocasion, instancianan local y internacional a yega di analisa e situacion den Eerste Hulp y a yega na e conclusion cu Croes ta por lo menos un di e problemanan. Eyden algun luna pasa e mesun trahadonan di Eerste Hulp a keha Croes di intimidacion y di no ta laga nan traha trankil.

Diaranzon mainta mas of menos 60 empleado di Hospital, di e mas di 800 empleadonan den servicio a sali pa demostra nan sosten na ABV y na Ruben Croes. Nan ta sinti cu gerencia no ta trata su empleadonan na drechi y ta sinti cu aki ta algo personal.

Separa di e asunto di Ruben Croes, ABV a protesta mainta tambe riba negosacionnan di CAO y riba e malcontento general cu ta bibando entre trahadonan di e fundacion cu ta maneha nos Hospital. Dr. Anoud Boesten a bisa na prensa despues di e reunion cu, e decision aki no ta personal, sino ta pa bon di hospital y di su pashentnan.

- Advertisement -

DUNA COMENTARIO

Please enter your comment!
Please enter your name here