Home General Awor e problema ta cu nan kier bisti kico nan kier cambia...

Awor e problema ta cu nan kier bisti kico nan kier cambia reglanan di bisti parlamento!

0
0
SHARE
- Advertisement -

Oposicion ta sigui busca manera pa stroba enbez di yuda nos pais

ORANJESTAD(AAN):– E presencia di sr. Booshi Wever den sala di Parlamento bisti cu un camisa so, cu a wordo sosteni door di MEP y PDR, ta djis otro intento di oposicion pa stroba reunionnan di Parlamento y stroba trabounan di Parlamento y gobierno, pa pone nos pais bek riba pia.

E ta otro prueba cu MEP, PDR y Booshi Wever, a scoge di berdad pa traha pa nan mes y no traha pa nos pais!

Pa dos aña (y hopi mas prome cu esey) sr. Booshi Wever mes a tene su mes na reglanan di bistimento den Parlamento. Diripiente y sin motibo e ta dicidi riba su mes pa bisti contra di e reglanan cu tur hende ta tene nan mes na dje?

E argumentonan cu sr. Booshi Wever y MEP a usa pa hustifica e desviacion di reglanan aki, ta cu tin otro hende muhe si bista na formanan cu nan no ta haya bon.

Tambe, cu e camisa cu sr. Wever a bista no ta djis un camisa, pero un guayabero.

Finalmente a usa e argumento, pakico haci tanto problema di con hende ta bisti, si tin cosnan importante pa atende?

Tur e argumentonan aki ta parti di e “strategia” di e miembronan di MEP, Booshi Wever y PDR pa haci tur loke ta posibel pa stroba gobernacion.

Pa desenmascara e argumentonan aki e fraccion di AVP a pone nan argumentonan. AVP a argumenta cu ta increibel cu miembronan di oposicion ta trece a forma di bisti diripiente riba mesa como un asunto cu mester duna atencion mes ora, na momento cu tin tanto asunto importante pa nos trahadonan, pa nos enseñanza, pa nos economia, cu mester di tur atencion di Parlamento.

Dos siman pasa ainda e mes un parlamentarionan di oposicion, MEP, PDR y Booshi Wever a exigi pa tene reunion mes ora pa atende cu loke nan a yama “peliger pa nos autonomia” y a bisa cu Parlamento no ta funciona.

Antayera y ayera nan no a ni presenta na trabou!

Awe nan tin e pudor pa exigi atencion y hasta stroba reunion pasobra un di nan a dicidi cu e ta kibra regla di bistimento!

AVP a bisa cu si kier cambia e reglanan di bistimento, mester haci esaki den un forma corecto y a sugeri pa pone esaki riba agenda di Parlamento pa otro aña.

Lo por wak otro posibilidadnan di kico lo por permiti pa bisti den Parlamento. Pa loke ta e critica cu tin algun miembro femenino di Parlamento cu ta bisti na un forma incorecto segun nan, AVP ta haya cu esnan cu ta haya cu esaki no ta corecto, mester a trece esaki dilanti hopi tempo caba.

Pero nunca nan a haci esaki. Awe si kier usa esey como argumento pa permiti sr. Booshi Wever pa kibra regla. Pa evita discusion si e camisa di sr. Wever ta un camisa comun of un guayabero AVP a propone pa yega na acuerdonan y pone esakinan den reglamento di ordo di Parlamento otro aña.

AVP a para riba dje cu no ta cambia regla durante di wega. Tin palabracionnan cu a funciona pa hopi aña caba.

Si kier moderniza esaki por, pero ta haci’e na un forma corecto. Mescos cu riba veld di wega y den trafico no por permiti ningun hende pa kibra regla, cambia regla riba nan mes y busca argumento fofo pa hustifica esakinan, no por permiti esaki den Parlamento di nos pais tampoco. Despues di e discusion den e comision di lidernan di fraccion, sr. Booshi Wever a sali di e sala di reunion manera palabra y a core duna declaracion na prensa.

Henter e comedia aki di MEP, Booshi Wever y PDR, ta otro prueba di nan falta completo di seriedad den nan trabou y falta di contribucion na nos pais.

- Advertisement -

DUNA COMENTARIO

Please enter your comment!
Please enter your name here