Home Evenemento Hadicurari ta invita su miembronan y tur piscado pa celebra logronan di...

Hadicurari ta invita su miembronan y tur piscado pa celebra logronan di 2011 awe diabierna 3pm

6
0
SHARE
- Advertisement -

E tradicional fiesta di fin di aña ta e biaha aki na e pier nobo na Spaans Lagoen

ORANJESTAD  (AAN):   Awe diabierna 30 di december 2011 Fundacion Centro di Pesca Hadicurari ta invita tur su miembronan di Hadicurari, Spaans Lagoen y Cura Cabay como tambe tur piscado di Aruba pa asisti na e tradicional Fiesta di Fin di Aña.

Na e ocasion aki lo repasa e logronan di e aña cu ta inclui e.o. e protocol di Caiquetio, renovacion y ampliacion di facilidadnan na Cura Cabay, inicio di ampliacion di facilidadnan na Spaans Lagoen y inicio di trabaonan di expansion di e Clubhuis na Hadicurari mes. Diabierna awor 30 di december pa 3’or di atardi lo comparti un rato ameno entre piscado, celebra e exitonan y mira dilanti na e desavionan na 2012 cu ta na caminda.

                Directiva di Fundacion Centro di Pesca Hadicurari ta satisfecho di por yuda piscadonan di henter Aruba y tin planesnan pa tur e otro centronan di pesca. Hunto cu piscadonan, Departamento di Pesca di Santa Rosa y Minister encarga cu Piscamento, sr. Otmar Oduber, e fundacion ta sigui traha pa mas solaridad y union entre piscadonan, como tambe mas participacion cu piscado y otro instancianan relevante.

INVERSION:

Centronan di pesca bon organiza y maneha, ta un necesidad. Cu e inversionnan sistematico di Fundacion Centro di Pesca Hadicurari, poco poco ta birando un realidad unda lo ofrece facilidadnan pa trata pisca y cu su seguridad necesario rond Aruba. E maneho aki awor ta haya un empuhe enorme cu otro injeccion financiero substancial di e fundación Centro di Pesca Hadicurari cu conforme su statuut awor lo expande su servicionan pa e piscadornan pariba di brug na Cura Cabay, Spaans Lagoen y di henter Aruba.

INVITACION:

Awe Diabierna pa 3’or di atardi tur piscado y particularmente esnan di Hadicurari, Cura Cabay, Spaans Lagoen y tur piscado en general ta invita na Centro di Pesca Spaans Lagoen pa clausura e aña exitoso aki y yama bonbini na un prospero 2012

 

Fundacion Centro di Pesca Hadicurari ta traha pa fomenta union entre piscadonan y ta stimula e bunita tradicionnan di piscado, e cultura di piscamento di Aruba y centronan di pesca rond nos isla.

Pa mas informacion por tuna contacto cu:  Facebook.com/hadicurari

- Advertisement -

DUNA COMENTARIO

Please enter your comment!
Please enter your name here