Home General Minister Otmar Oduber hopi contento cu resultado di ATA Suigeneris den 2011

Minister Otmar Oduber hopi contento cu resultado di ATA Suigeneris den 2011

0
0
SHARE
- Advertisement -

ORANJESTAD (AAN) – Minister Otmar Oduber ta sumamente satisfecho cu e resultado di ATA Suigeneris. El a expresa esaki den entrevista cu DIARIO.

E dignatario a bisa cu e respuesta tabata sumamente positivo durante anja 2011, y ta hopi contento cu den un anja di proceso transitorio cambionan grandi a tuma lugar den ATA.

Minister Otmar Oduber a acentua cu tanto pa e direccion di ATA como pa e Hunta di Comisario y di Supervision, el a nifica un anja di hopi decision, cambionan y adaptacion y sinembargo por a supera cu doble e meta cu a wordo poni pa cu nos turismo.

E mandatari a expresa palabranan di elogio pa Oficina di Turismo, na tur su empleadonan cu ta forma parti di dje tanto na Aruba como afo, y a wordo premira un crecimento di turismo di 3 porciento, pero lo cera e anja aki cu alrededor di 5.6 porciento, kiermen casi doble y un cantidad record pa e ultimo anjanan, cu Aruba no a conoce e tipo di incrementonan aki.

E entrada pa caha di gobierno proveniente di turismo tabata mas di diez porciento di aumento, loke ta un suma significante  y pa e hotelnan tambe nan a bay back na e nivelnan di esnan mehor compara cu e ultimo diez anjanan. Cu otro palabra, un anja sumamente positivo pa ATA.

Minister Oduber a bisa cu pa loke ta trata e personal, cu excepcion di un cu a wordo traslada pa otro departamento, cien porciento di esnan cu a bin traha cu ATA Suigeneris e anja aki, a firma nan contrato y a keda den e compania.

Esaki, segun e dignatario ta un muestra cu nan a mira e futuro di ATA y e compromiso cu nan a cera na momento cu a haci di ATA un SG, locual a crea un polemica politico rond di dje, pero awor por mira cu esaki a keda completamente tras di lomba.

Pa loke ta trata e empleadonan cu a opta pa keda den gobierno, practicamente tur a wordo ubica caba, cu excepcion di dos cu apesar di tur esfuerzo pa ubica nan den gobierno no a logra, y nan mes no a desea pa bay ni a haci un esfuerzo pa haya un traslado dentro di gobierno, e ta nifica cu nan mester bay cu retiro obligatorio y cu lo haya un loonsoem di tres anja, desde 31 di December awor.

- Advertisement -

DUNA COMENTARIO

Please enter your comment!
Please enter your name here