Home General Roshana Gomez da Silva a bira di 11 morto di trafico di...

Roshana Gomez da Silva a bira di 11 morto di trafico di aña 2011

8
1
SHARE
- Advertisement -

ORANJESTAD(AAN)– Pa mas o menos 3.30 or di madruga ayera a tuma lugar un desgracia cu un pickup den cual tabata tin un pareha, net pariba di brug di Balashi. Patruyanan di san nicolas cu a acudi na e lugar di desgracia a bin constata cu e pickup shinishi lo a perde control, dal den e vangrail di e brug y bolter. E pareha a keda gravemente herida y e homber a wordo transporta cu urgencia pa polis mientras e dama a wordo pronuncia morto na e lugar di desgracia mes.
E dama cu a perde su bida a resulta di ta Roshana Gomez da Silva naci na Aruba dia 1 di december 1990 biba na Verrietstraat 20. Segun esnan cu ta haciendo e investigacion, e chauffeur, e homber J.E.G.G. di 20 aña di edad lo tabata bao di influencia di alcohol y el a keda deteni pendiente mas investigacion.


Aparentemente e lo a admiti cu el a bebe bastante bebida alcoholico fuerte y a declara cu e tabata pleitando cu Roshana den auto y manehando cu velocidad halto. Segun informacion, esaki a wordo confirma cu testigonan di e desgracia.

E vehiculo envolvi tabata un pickup S-10 (A 6021) y el a keda completamente destrui y a wordo tuma den beslag pa investigacion.

E accidente aki a pasa ora cu e chofer tabata bayendo direccion pariba y nan a baha caminda na man robez y dal den e vangrails bolter. E dama victima a wordo saca for di e auto. E dama ta mama di un baby di algun luna. Diasabra su omo a casa y tabata tin fiesta.

Tambe e victima tabata traha na Aruba Bank y e tabata cu su coleganan na e Christmas Dinner. Mirando e orario no ta conoci si el a Sali for di e celebracion ey net prome cu e accidente. Pas na su restonan y hopi forsa na e famia.

- Advertisement -

1 COMMENT

DUNA COMENTARIO

Please enter your comment!
Please enter your name here