Tur cos ta cla pa Diamond Celebration Diadomingo

Publication: Saturday, 24 December 2011. Categoria: Evenemento,General

 Renaissance Convention Center lo bay ta sold out y lo keda chikito pa tanto acogida

ORANJESTAD(AAN)– Manera tur cos ta mustra cu e magno evento di aña 2011 cu Aruba completo ta sperando riba dje esta e Diamond Celebration lo bay ta sold out den un forma impactante. Pasobra na unda cu bo bay y den tur skina na Aruba bo ta tende tur hende ta papia y preparando pa e grandioso fiesta aki caminda no menos cu 5 banda mas grandi di aña 2011 lo bay topa otro pa prome biaha den un solo anochi.

Nos a tende cu masha hopi hende ya a cumpra nan ticket di entrada y tambe nan a cumpra nan paña special pa e gran anochi di gala aki. Nos a tende tambe cu e ticket nan den pre-benta ya ta cabando y si esakinan caba anto ta te na porta bo lo bay haya pero na un prijs mas halto.

Tur 5 banda manera Tsunami, Upgrade Music, Prive, D’-Licious y Le Groove ya ta cla caba bon prepara especialmente pa e gran evento aki. Manera tur hende sa caba cu pa prome biaha nan lo bay wak e 2 bandanan rival grandi di otro esta Prive y D’-Licious topa cu otro.

 Manera nos a tende tur 2 banda lo ta completamente live y tur 2 lo bay bin pa demostra cua ta mihor musicalmente y pa pone ambiente. 

Pesey Pasco anochi, diadomingo awor tur hende lo bay un solo ruta y un solo lugar cu ta e majestuoso Renaissance Convention Center, caminda e trip mes mes lo sinta. Esun cu no tin ticket ainda y no kier keda afor, pura bay awor mes na Dragon Cd na San Nicolaas of na Cd and More na Cumana, tambe na TRASH by Ronchi y na Noord na Valero Palm Beach. 

E magno evento aki pa prome biaha lo wordo organisa na Aruba y sigur esaki lo bay ta un éxito totaal. E promotornan a sa di hiba un tremendo y agresivo promocion pa cu e evento aki cu sigur a capta Aruba su atencion completo. Nos a tende cu e evento master aki cu cada aña lo ser organisa na diferente pais rond di nos.

E prome edition lo ta na Aruba anto riba un dia di celebra en grande manera Pasco 25 december anochi. E edad rekiri pa e super fiesta aki ta 18 aña pariba. Nos ta kere ta bale la pena pa e promotor nan bin bek cu e evento special aki Aruba otro aña.

No lubida e 3 Dj nan mas hot di aña tambe lo bay tey e gran anochi aki manera Dj Vibes, Dj 101 y Genie Dj’s. Nos a tende tambe cu e espectacular VIP pa e gran fiesta aki ta casi sold out, ta 4 mesa so a resta. Mesa pa 6 persona. Bo ta recibí free un boter di Whisky, coca cola, sprite, soda, awa etc etc. Dus full un combo.

Esun cu ta sintie un persona apart y especial e anochi aki, yama awor mes pa cumpra bo mesa di VIP na celular 594-9195.

Wel Aruba si bo kier forma parti di un fiesta di nivel y unico pa prome biaha organisa na Aruba, pura bay cumpra bo ticket pa nan no contabo despues con dushi nan a pasa.  Esaki ta un fiesta cu bo tin cu bin deftig bisti paso e ta un fiesta pa hendenan nechi. 

Ta ser hasi un suplica pa tur hende bin trempan ya pa 9or porta ta habri y pa 11or e prome banda lo bay ta on pa asina ki pone e lugar tembla di ambiente. Nos a tende cu ta Tsunami ta e prome banda cu lo subi e main stage. Wel si ta asina nos ta pidi e fanático nan di e super banda aki bin trempan pa boso no perde e bon música y e dushi ambiente cu Tsunami lo bay trece. Esaki lo bira e fiesta di aña y cu lo bay den historia como e fiesta cu lo bay kibra tur record cu tabata existi na Aruba, loke ta trata den asistencia di publico. Dus wak bo tey manera bolo preto na bruid. Renaissance Convention Center lo bay host orguyosamente e fiesta di nivel y di diamante cu tur honor Pasco anochi 25 december!

Leave a Reply