Archivo di January, 2012
ORANJESTAD (AAN): Parlamentario Dr Maikel Kelly dialuna mainta durante conferencia di MEP a anuncia cu entrante prome di February 2012 e lo entrega su puesto back na partido.
E no ta rabia cu MEP y lo keda yuda MEP. E motibo di su baymento for di parlamento tin di haber cu e areglo di AZV cu nunca a keda concretiza. Aunke AZV a purba yuda tog nunca mas cierto cos no a keda concretiza. Pa evita cu e por keda perhudica e lo entrega su puesto back y lo bay sigui traha como dokter. El a gradici tur esnan cu a sostene durante henter su trayectoria como parlamentario.
ORANJESTAD (AAN): E Centro Dakota tabata den noticia durante dos ocasion e dialuna. Parce cu tin un adicto bao curatela cu tin problema serio. El a lanta cu e personal cu no por a domine facil.
Mas trempan caba tabata tin un di e trahadornan cu a worde agredi y ora cu a yama seguridad te hasta un di nan a worde mordi. Parce cu e tin di haber cu e cantidad di cigaria cu e cliente mag di haya tur dia. E cabez a flip.
ORANJESTAD(AAN): Na Bubali diadomingo marduga a pasa un accidente basta serio.
Un dama di inicialnan J.A. tabata stuur e auto y el a perde control. El a baha caminda na man drechi na altura di veld bieu di Bubali y bay dal den un van grandi. Esey ta cas di un conocido koki cu ta haci catering.
E impacto tabata hopi fuerte pasobra el a pusha e van grandi di tal forma cu el a placha dos otro van di cual un di nan a keda totalmente destrui. Mesora polis a worde notifica y ambulance.
Den e auto maneha pa e dama J.A. conoci den mundo di reina y miss teen tabata tin tambe e homber fam T hunto cune.
Tiro a sona na Eagle Beach!
ORANJESTAD (AAN): Un caso serio a keda registra Diadomingo anochi, net algun meter panort di e actividad di Flip Flop cu a bay basta bon e anochi ey riba Eagle Beach. Tur esaki a socede debi na un ice-jug! Dos homber cu tabata cargando dos Ice-jug, tabata bayendo bek nan vehiculo pa asina bandona e actividad. Nan a yega na un parti mey-mey di e matanan, unda tin un hanchi chikito pa pasa. Aki tabatin un pareha sinta. E hombernan a pidi dos biaha dispensa pa nan pasa cu e dos Ice-Jug. Ora cu e pareha sinta riba e pilarnan no a reacciona, e hombernan a hisa e dos Jugnan den halto pa pasa numa.
Esaki ta unda e conflicto a start.
ORANJESTAD (AAN): Durante Youth parade diadomingo atardi un mucha homber kende ta pertenece na e gang di Madiki a acerca un polis y e puntra e agente: “Kico bo ta wak”.
E polis anteriormente a haya problema cu e hoben debi e no tin respet pa polis.
E agente a atende e hoben debido y a lage cana bay. Algun minuut despues segun e version den recorte a menciona cu e mesun hoben polis a wake para hunto cu un grupo. E hoben ta wak y a mustra dede mei mei den direccion di e polis.
ORANJESTAD (AAN): Un choller segun informe cu a yega na oido di polis diadomingo merdia a trata di horta bateria di un hijskraan.
Polis a bay altura di Linear park situa riba L.G. Smith Boulevard. E supuesto choller lo ta bon bisti den camisa color blauw y na yegada polis no a tope. Polis a controla e grua y a keda constata cu e ta intacto.
ORANJESTAD (AAN): Patruya di polis a bay diabierna marduga pa atende un señora den Caya Franse Bloem y na yegada e señora a declara cu e ta na caminda pa cas y na altura di Bright bakery na Piedra Plat un auto color shinishi modelo Toyota a pasa y el a scucha cu un persona a los bala. El a sigui declara di a spanta y drenta den panico y el a yama polis. Parce despues e señora a haya informe riba su celular cu texto menazante. Segun e informe parce e celular for di cual e informe a worde manda ta pertenece na un amigo di su ex amigo di inicialnan K.B.
Segun Abogado Dello Gomez:
ORANJESTAD (AAN) – Abogado mr. Dello Gomez a duna di conoce den entrevista cu DIARIO, cu den fin di siman e musiconan a reuni cu Presidente di Staten y e mediadornan pa oranan largo, pa wak si por yega na un solucion.
Esaki den e contexto di e problema cu a surgi entre SAC y e musiconan, relaciona cu Calypso y Road March.
Nan a bin cu idea y sugerencianan pa combina cu e ideanan cu gobierno tin pa haci e evento posible, y tabata tin palabracion pa diasabra conclui e asunto aki, pero SAC a laga e fecha pasa sin reacciona.
ORANJESTAD (AAN): Diadomingo atardi den un forma relampago polisnan a pone man riba un pareha den un Suzuki Vitara Horta.
E caso aki a sosode den e area di madiki. E doño di e Suzuki a topa cu e ladronnan den su auto y el a yama polis mesora.
Helicopter di polis tabata cerca y a cuminsa duna un man mientras cu den menos cu un minuut e polisnan motoriza a yega na e sitio.
Den e Boliviastraat e detencion a tuma lugar. Polis a bay tira un bista den e auto A-37742 y a mira varios radio horta den e auto. Tambe tabata tin paña y artefactonan falso pa tene relacion sexual.
ORANJESTAD (AAN) Un Patruya di polis diadomingo casi 6’or di atardi a bay cu urgencia pa asisti na Alto Comisario di polis altura di KFC Santa Cruz.
E alto comisario a para un chofer bao di influencia, na yegada di e patruya nan a constata cu e manehador di e vehiculo ta burachi y ta hole na alcohol, su wowo ta cora y e ta lenga pisa.
ORANJESTAD(AAN): Gobierno di Aruba ta haciendo tur esfuerso pa mantene refineria Valero habri. Mirando e situacion mundial di petroleo, refineria Valero ta confronta dificultad grandi cu su operacionnan si e situacion no cambia, esta pa haya e crudo na un prijs mas abou. Gobierno, consciente di e embergadura di e problema aki y su consecuencianan dramatico, ta atendiendo e asunto aki riba nivelnan halto envolviendo e instancianan cu mester wordo envolvi. Asina dos delegacion di Parlamentarionan di e fraccion di AVP, por cierto riba propio gasto, a biaha pa Venezuela y Colombia pa eynan papia cu ehecutivonan halto tanto den gobierno como den comercio pa busca y haya un solucion.
