Home General 300 meter di awa a worde desconecta na December di cual 274...

300 meter di awa a worde desconecta na December di cual 274 cliente a cumpli lihe cu nan pago

0
0
SHARE
- Advertisement -

Asja Dongen, Vocero WEB Aruba NV:
ORANJESTAD (AAN) – DIARIO a entrevista señora Asja Dongen, Vocero di WEB Aruba NV, tocante e cantidad di hogarnan cu meter di awa a worde kita pa falta di pago. Señora Dongen a duna di conoce cu den e periodo di 12, 13 y 14 di December, 300 meter di awa a worde desconecta, y den e mesun siman, esta dia 15 di December 274 meter a worde reconecta.
Esey kiermen cu e clientenan a cumpli cu nan pago y entre tanto e sobra meternan a worde reconecta tambe. Señora Dongen a remarca cu hopi biaha ta fastioso pa huzga pa hende, locual no ta keda na WEB, pero e ta pensa si cu ta un cuestion di prioridad aunke cada individuo ta dicidi pa su mes, na ki momento e ta cumpli cu su debernan.
El a subraya cu si wak con lihe e clientenan ta cumpli cu nan pago ora nan worde desconecta, enberdad mester puntra nos mes si esey ta e caso, pero e ta keda algo hopi fastioso pasobra no ta placentero pa desconecta e meter y pasa den henter e proceso aki cu un cliente.

WEB Aruba NV, ta keda haci un yamada na su clientela pa keda cumpli cu su pagonan. E ta ripara si cu e comunidad a cuminza custumbra cu e periodo nobo di pago, y hasta nan ta yama puntra pa nan cobranzanan pa nan pagan a tempo, loke ta mustra un progreso tog.

Hunto cu ELMAR, WEB ta desaroyando e programa “Hunto nos ta spaar” y e teamnan a bishita e clientenan cu a haci peticion pa nan haci audit den nan cas. E teamnan cu ta consisti di empleadonan di WEB y di ELMAR, a bay na e personanan cu a yama na December, pa haci cita.

Señora Dongen a haci un yamada na tur esnan interesa pa yama na e “call center” cu ta 525- 4200 pa pidi un cita cu e team di “Hunto nos ta spaar” bin na nan cas, y wak unda tin puntonan unda ta gasta mas tanto awa y electricidad cu ta necesario, anto nan ta haya tips, con nan por baha e uso.

- Advertisement -

DUNA COMENTARIO

Please enter your comment!
Please enter your name here