Home General Actitud di SAC a haci cu musiconan no ta bay sinta mas...

Actitud di SAC a haci cu musiconan no ta bay sinta mas cune

0
0
SHARE
- Advertisement -

Segun Abogado Dello Gomez:
ORANJESTAD (AAN) – Abogado mr. Dello Gomez a duna di conoce den entrevista cu DIARIO, cu den fin di siman e musiconan a reuni cu Presidente di Staten y e mediadornan pa oranan largo, pa wak si por yega na un solucion.
Esaki den e contexto di e problema cu a surgi entre SAC y e musiconan, relaciona cu Calypso y Road March.
Nan a bin cu idea y sugerencianan pa combina cu e ideanan cu gobierno tin pa haci e evento posible, y tabata tin palabracion pa diasabra conclui e asunto aki, pero SAC a laga e fecha pasa sin reacciona.
Abogado mr. Gomez a agrega cu nan a haya oportunidad te cu diadomingo merdia pa reacciona, pero tampoco nan a haci esey, loke kiermen cu un otro deadline a worde laga pasa y te cu diadomingo den oranan laat SAC a bin cu algo cu ainda no a yega den man di e abogado, pero mirando cu e fecha cu a pone como limite a worde laga pasa e musiconan no ta bay sinta mas cu SAC.

Esaki ta loke SAC mes a dicidi cu su actitud, y aworaki e musiconan ta bay over pa dialoga internamente, y nan tin entendi cu a bolbe habri inscripcion pa musiconan.

Dello Gomez a bisa cu di nan banda e musiconan no ta bay inscribi, y cu nan lo tin un pre-evento cu ya caba e presidente di e fundacion a anuncia.

- Advertisement -

DUNA COMENTARIO

Please enter your comment!
Please enter your name here