ORANJESTAD (AAN): Parlamentario Dr Maikel Kelly dialuna mainta durante conferencia di MEP a anuncia cu entrante prome di February 2012 e lo entrega su puesto back na partido.
E no ta rabia cu MEP y lo keda yuda MEP. E motibo di su baymento for di parlamento tin di haber cu e areglo di AZV cu nunca a keda concretiza. Aunke AZV a purba yuda tog nunca mas cierto cos no a keda concretiza. Pa evita cu e por keda perhudica e lo entrega su puesto back y lo bay sigui traha como dokter. El a gradici tur esnan cu a sostene durante henter su trayectoria como parlamentario.
Lider di MEP Evelyn Croes a splica cu ya caba a cuminsa topa cu e siguiente pa tuma e funcion di Dr Maikel Kelly. E sistema segun ey ta cuminsa full di nobo y Nelson Oduber ta e prome riba e secuencia segun e lider nobo.
E lider di MEP a mustra tambe cu Prome minister Mike Eman y tambe minister Richard Visser no a scapa di Dr Maikel Kelly. Pesey mes nan a keda pone presion cu awe e no por a keda cla cu AZV te cu mester a escoge pa entrega su puesto y sigui como medico.
