Minister Otmar Oduber a reuni cu doñonan di Fly Aruba
ORANJESTAD (AAN): Diahuebs merdia
Minister Otmar Oduber a ricibi
doñonan di Fly Aruba/Arevenca
Francisco Javier Gonzales y su
yiu Andreina Gonzales pa conversa
riba Fly Aruba. Presente na e
reunion tambe tabata director
di Departamento di Aviacion
Civil, Adi Maduro y consehero
di Minister, Simon Arends.
A trata di un bishita di cortesia cu
a bay den un hopi bon ambiente.
A elabora riba e plannan cu Fly
Aruba tin, e proceso cu nan ta
canando y e requisitonan cu
mester ainda pa e aerolinea
por haya su AOC y asina por
inicia cu vuelonan comercial.
Por menciona cu entre e plannan
di Fly Aruba tin pa laga
Aruba bira un hub pa
vuelonan di Sur America, Norte
America y Europa.
A keda palabra cu lo bay inentariza loke tin awor y kico tin pendiente ainda. Esaki ta inclui aspectonan logistico manera conversacionnan cu AAA riba infrastructura y concretizacion di transaccionnan financiero. Meta final ta pa por yega na concretizacion di e AOC di Fly Aruba.
