Home General SAC no ta mustra interes pa resolve problema cu musiconan

SAC no ta mustra interes pa resolve problema cu musiconan

2
0
SHARE
- Advertisement -

Sub-Titular:
Musiconan y Mediador ta keda sinta warda riba SAC
ORANJESTAD(AAN)– Oficina di Mediador a keda apunta pa Gobierno pa regla e impasse cu tin entre e organisacion encarga cu organisa Carnaval SAC y e musiconan uni. Nan a keda warda e aparicion di cualkier miembro di e stichting SAC diabierna mainta. Musiconan tambe a keda sinta warda y SAC no tabatin ni e amabilidad pa avisa. Musiconan a mira e desinteres di SAC ya caba diahuebs dia 26 di januari ora cu esnan di SAC a laga sa cu nan ta ‘mucho druk’ cu organisacion di e tumberito, mientras ta bon conoci cu ta un comision ta haci tur e trabou.
SAC ta djis pasa cobra e placa genera. Musiconan uni a pasa e dia ta traha riba e statuutnan di nan fundacion cu ta keda funda dentro di poco ora.

Musiconan a mira e fecha 27 di januari como ultimo intento pa yega na un acuerdo rapido cu SAC. Pesey e enfasis riba e reunion.

Cu e falta di acto di presencia di SAC na e reunion cu mediador y e musiconan uni, SAC ta confirma nan falta di interes pa yega na un resolucion rapido.

E unico interes di e musiconan ta pa yega na un acuerdo solido cu ta trece paz pa e proximo añanan. Pa di e forma ey e festival por sigui crece.

Na Corsow algo similar a sosode algun aña pasa cu e Festival di tumba y awendia e Festival ey ta esun mas grandi y mas bon organisa entre e islanan. Si nos compara e organisacion di e festival di tumba na Corsow cu esun di Calypso-Roadmarch di Aruba anto nos por conclui cu esun di Aruba no ta bon organisa.

Pesey e aña aki e intento pa pone un paro na e sangramento di e festival y e mal trato di musiconan cu ta sosode na e festival di Aruba. Musiconan uni ta pidi pueblo comprension pa e periodo di lucha y ta suplica tur amante di bon musica pa mira e lucha aki igual na un sindicato cu ta bringa pa e derechonan di e trahador, den e caso aki e trahador ta e musico y e sindicato ta e musiconan uni.

- Advertisement -

DUNA COMENTARIO

Please enter your comment!
Please enter your name here