Home General Ambos detencion den fichanan horta na Crystal a ser prolonga

Ambos detencion den fichanan horta na Crystal a ser prolonga

4
1
SHARE
- Advertisement -

ORANJESTAD (AAN): Ambos sospechoso den e caso di ficha di Casino na Crystal ta keto bay sera. E cantidad di fichanan cu e empleado a coy ta bastante. A haya un total di 68 ficha di 100 dollar cada uno den saco di carson di e empleado. Ademas di esey el a duna un persona cliente den casino un total di 13 ficha.
E dos sospechosonan ta Edsel R kende ta traha mas cu 20 aña den e casino y Ebby S kende ta e hungador y ta conoci den e mundo di seguro na Aruba.
E trahador di Casino ultimo dianan a cuminsa actua straño. E tabata actuando manera un hende cu no ta 100% bon di cabez. El a bay asina leu pa coy ficha sin mas hinca den su saco. Te hasta el a duna e hungador den casino e 13 fichanan.
Tur cos ta graba. E hungador cu ta un cliente di e casino a cambia 4 di e fichanan den casino mes. E otro 9 fichanan el a bay cas cu nan.

Despues prome cu el a keda deteni pa recherche el a entrega e 9 fichanan aki back. Asina mes despues nan a buske back y el a keda deteni.

Awor fiscal mirando e investigacion a prolonga e detencion cu otro ocho dia mas. E dealer di casino tambe dimes ta sera y e dianan aki lo bay tende con lo para cu ambos. Tur dos tin representacion di abogado.

E sospechoso Edsel R a bisa cu casino a pague henter su añanan di servicio pa horta. Y esey el a haci. Su declaracionnan na autoridad ta duna indicacion cla cu e persona aki definitivamente a bay atras mentalmente. Esey por yude pa e scapa di e castigo cu ta spere relaciona cu 82 ficha total cu ta acuse di a coy ilegalmente den casino.

- Advertisement -

1 COMMENT

  1. PIKA PA MIRA CONDROGA I SITUASHON TA PONE HENDE BASI FAYO DEN BIDA,I KEN TA KEDA CU PROBLEMA?FAMIA,CASA I JIUNAN

DUNA COMENTARIO

Please enter your comment!
Please enter your name here