Home General Analisis politico ……. Booshi

Analisis politico ……. Booshi

1
1
SHARE
- Advertisement -

ORANJESTAD (AAN): Ta increibel cu un persona manera Booshi Wever ainda ta pretende di por critica hendenan manera Mike Eman sin cu e ta sinti su mes malo. Un politico cu a worde humilia, ofendi door di su mes hendenan durante e periodo cu e kier a bira lider di MEP awe ta purba di hala atencion na un manera miserabel. Su comportacion ta prueba di un persona cu berdad a perde tur contacto cu realidad y a perde tur sinti di berguenza. Pesey cada pasa un poco tempo mester corda henter nos comunidad kende Booshi ta. Booshi ta e actor principal den e kiebra di MEP door di cual Marisol Lopez Tromp y Mervin Ras a core sali for di MEP. E conspiracion cu tabatin entre Booshi y Nel Oduber tabata un ehempel di lo mas baho den politica.
Booshi a cera un acuerdo cu Nel pa e haya sosten di Nel pa bira lider di MEP. Marisol cu tin hopi mas capacidad cu Booshi, mas experiencia, mas conocimento y hopi mas voto cu Booshi tabata e candidato pa bira lider di MEP.

No ta hende a bisa pero ta Booshi mes a bin yora den e medionan di comunicacion cu Nel Oduber a traicione y a lage cay manera un patia berde. E mes a bin duna e detayenan di e deal cu tabatin cu Nel.

E, Booshi lo core cu Marisol for di partido pa despues e haya e apoyo di Nel Oduber pa bira lider di MEP. Un acto asina vil y baho cu nunca Aruba a conoce. Pa hende comete algo asina e no tin nada di contenido di hende. Hororoso e episodio aki tabata.

Publicamente Booshi a bin splica con Nel a primintie cu si e logra di core cu Marisol Nel lo sostene pa bira lider di partido. Hopi biaha ta parce cu e mes no ta realiza ki barbaridad e a comete pa purba di bira lider di partido di e manera ey. Pasobra e a logra di core cu Marisol berdad pero e sushedad cu tabata necesario pa esaki sosode mester keda marca ariba frente di Booshi pa resto di su bida.

Booshi mes a bin yora rond di Aruba con kibra e a keda despues cu Nel a traicione y a disidi di sostene Evelyne Wever Croes pa bira lider di MEP. No ta hende a bin papia. Ta Booshi mes a bin splica henter nos comunidad con e a rebaha su mes pa cera un deal cu Nel pa core cu Marisol pa bira lider y con e a cumpli di su banda di e deal pa Nel bin hinca un cuchu den su lomba.

Yora na radio y television con kibra e a keda pasobra Nel a lage haci e trabao sushi pa despues yame traidor y un politico cu no ta sirbi pa nada. Pero e situacion a bira pio pa Booshi pasobra durante simannan largo cada rato Booshi tabata bay cerca Evelyne pa puntra si Evelyne lo bay pone su mes como candidato pa bira lider y Evelyne tabata garantiza Booshi cu e no ta bay ta candidato y cu e lo sostene Booshi como lider. Booshi e dianan ey ainda a kere cu si e pone su mes candidato den e reunion di lider e lidernan di MEP lo vota pe.
For di den MEP mes a sali un rapport over di Booshi caminda tabatin 20 punto contra Booshi como lider. Su mes hendenan di partido a compila un documento cu tabata mustra cu bao di ningun circumstancia Booshi por bira lider di partido. Esaki tabata otro sla pa Booshi cu a dal e hopi duro y atrobe a pone Booshi bay tur radio y television yora con malo su mes hendenan ta trate den partido. E colmo a yega ora cu Evelyne ultimo momento a pone su mest como candidato pa bira lider y e doñonan di MEP a bisa Booshi cu e no por pone su mes como candidato pa bira lider pasobra e filenan cu tin ariba nan lessenaar por yega polis y procurador general den algun minuut.
Booshi a baha cabez pa e menaza aki y tambe e a haya e orden cu e mester sostene Evelyne como lider politico y esaki ta loke nos ta mira ta sosode awe. Un hende sin lo minimo di weso di lomba cu falta tur credibildad posibel awo ta trata di haya poco atencion door di critica politiconan drechi. Esaki en bez di sconde su cara pa hende no corda e simberguenzeria cu e a comete.

- Advertisement -

1 COMMENT

  1. Den un anja di tempo cu mi a mira tur e burdugonan di 2001 cu a persigui y laga sera hende pornada, cai, pero cai manera patia berde, Booshi, Nilo, Rudy, Nel y awor ta mane un set di mucha chikito nan ta sinta yora y busca mas polemica, pa kita of justifica nan fechorianan. Esaki ta boso destino y pronto e protagonistanan aki lo ta pa historia, inclusivo, PG Pieterz.

DUNA COMENTARIO

Please enter your comment!
Please enter your name here