Hyatt Regency Aruba ta presenta producto innovador di weganan di casino
E upgrade completo di e Hyatt Regency Casino lo keda cla e luna aki
ORANJESTAD (AAN): Hyatt Regency Aruba Resort Casino & Spa ta hopi complaci den anuncia cu e upgrade di su vibrante casino, cual ta consisti di 12.500 pia cuadra, lo worde completa e luna aki. E renobacion ta parti di un inversion miyonario cu a cuminza tuma lugar na 2005, y cu lo introduci e huespednan y e clientenan local cu e ultimo tecnologia den mundo di casino Ticket in, Ticket out (TiTo), cual ta haci uso weganan cu e tecnologia Konami Digital Entertainment, y slot machinnan adicional. E tecnologia Ticket In, Ticket out (TiTo) ta worde incorpora den tur e slot machinnan di Hyatt Regency Casino.
E programa aki, cual no ta haci uso mas di coins, ta permiti e clientenan haci un print out di ticketnan cu por worde cambia pa placa cash of cu por worde usa pa sigui hunga den otro mashinnan.
Ademas di esaki, e resort lo agrega 42 mashin di wega nobo, alcanzando un total di 249. E slot machinnan ta ofrece un variedad hopi amplio di weganan emocionante y diverti pa un y tur.
Mayoria di e slot machinnan den Hyatt Regency Casino awor tin un touch screen chikito y sofistica, riba cual bo por scoge entre 3 canal di deporte pa wak. Pues bo por hunga bo wega y alavez bo ta disfruta di bo wega di deporte.
“Nos clientenan lo por wak e upgrade cu ta tumando lugar na Hyatt Regency Aruba durante 2012 y nos ta hopi contento cu e mehoranan aki tambe a extende na e area di casino”, Fred Hoffmann, Gerente General a declara. “Nos ta hopi orguyoso di por continua ofreciendo e mihor experiencia di wega di casino na Aruba”, a agrega.
