Home General Miss Aruba cu suplica na pueblo Ban cana pa un causa y...

Miss Aruba cu suplica na pueblo Ban cana pa un causa y yuda Fundacion Mi Por

2
2
SHARE
- Advertisement -

ORANJESTAD (AAN): Tur cos ta cla pa Diasabra awor dia 3 di Maart 2012, tuma lugar na Aruba un caminata cu ta worde organiza pa un bon causa! E asina yama “Walk-A-Thon” ta hayando sosten di Miss Aruba, Lucianette Verhoeks, kende ta spera cu e sosten aki, lo yuda e Fundacion pa crea un concientizacion den comunidad pa cuido di muchanan special. E caminata ta Diasabra dia 3 di Maart, pa 5:30 pm, y ta cuminza na Plaza Libertador Betico Croes den Vondellaan. Aki lo cana bay nort direccion Banco di Caribe, unda lo bira na man drechi y drenta Avenida Milio Croes. Ta cana te na altura di Pricesmart, unda ta bira man drechi atrobe y subi Boulevard y yega bek na e final dilanti Plaza Betico Croes. Prome cu esey, ya for di 3’or di atardi lo tin un Spin-A-Thon, cu ta bay bira un sesion di seis ora largo. E Walk-A-Thon mes, lo costa 15 Florin y lo inclui T-shirt, pasaboca saludable, V8 Splash juice, y despues di e caminata por participa na Zumba, y lo tin un rifa. Por inscribi pa e evento aki na ArubaZumba, Thrill Walkers, Idefre, of Fundacion Movimento ta Bida. Ban yuda Fundacion Mi Por pa haci proyectonan pa muchanan cu limitacion fisico.

 

Miss Aruba Lucianette Verhoeks ta spera cu pueblo lo sa di sostene e campaña aki. Nos flamante Miss Aruba kier a gradici tur hende pa e apoyo cu e ta ricibiendo awor cu e ta preparando pa bay representa e isla na Miss World.

Tambe durante Carnaval, e kier a gradici tur esnan cu a yude durante Carnaval 58, incluyendo SAC, TOB, su diseñador Ramses Aaron, maquillista Stella Beaujon, y specialmente Ministro Otmar Oduber. Sin nan, e no por a haya e oportunidad aki pa e añanan venidero por sigui disfruta di un Carnaval sano y liber di violencia.

- Advertisement -

2 COMMENTS

DUNA COMENTARIO

Please enter your comment!
Please enter your name here