Archivo di February, 2012

Firmamento entre SOGA, AIB y Buro di Arkitecto Bermello, Ajamil y Partners a tuma lugar

Publication: Tuesday, 28 February 2012. Categoria: General

Relaciona cu construccion, ampliacion y renobacion di Hospital
ORANJESTAD (AAN): Den oficina di Conseho di Ministro a tuma lugar firmamento entre SOGA (Stichting Onroerend Goed Aruba), AIB y Buro di Arkitecto Bermello, Ajamil y Partners. Esaki a sosode den presencia di Minister di Infrastructura, Integracion y Medio Ambiente Benny Sevinger, Minister di Salubridad Publico y deporte Richard Visser, director medico y financiero di dr. HOH respectivamente Falconi y de Kool, miembronan di SOGA y conseheronan di tanto Gobierno como hospital.

11 Colombiano cu kier a drenta Aruba via boto gara pa Kustwacht

Publication: Tuesday, 28 February 2012. Categoria: General

Den nan un atracador busca na Aruba:
ORANJESTAD (AAN): Kustwacht a evita un contrabando di 11 hende cu kier a drenta nos isla den forma clandestino. Tabata den oranan di marduga dialuna cu a capta un señal riba radar. Mesora e unidad di kustwacht a move den direccion di e boto y a bin topa cu esaki yegando costa di Aruba. A bay over na obliga e boto desvia mesora direccion di waf na Savaneta unda kustwacht tin su base. Tur 11 ilegal cu kier a drenta Aruba a keda deteni. E capitan y su ayudante tambe a keda deteni. Awor e ley a cambia y contrabando di hende tin castigo riba dje. Tin varios hende cu a yega di worde sentencia den pasado pa e mesun tipo di contrabandonan aki.

A yega na diferente posibel scenario cu ainda mester worde studia y un di nan por ta un joint venture entre Valero y Ecopetrol

Publication: Tuesday, 28 February 2012. Categoria: General,Politica

Minister de Meza despues di reunion den fin di siman
ORANJESTAD (AAN): Durante un conferencia di prensa Minister de Meza a amplia riba e deliberacionnan riba refineria Valero cu a tuma lugar fin di siman pasa. Minister a splica cu na luna di December Gobierno a worde informa door di e ehecutivo mas halto na San Antonio di e situacion sumamente precario di e refineria di Aruba. “E situacion di petroleo ta uno masha dificil riba mercado internacional cu tin su efectonan pa economia y mercado di Aruba tambe”, de Meza a bisa. Si compara productonan di diez aña pasa cu awe, por mira un diferencia evidente. De Meza “Esaki ta dificil y dramatico pa e mercado di Aruba. No tin un pais na mundo su so cu por controla esaki, ya cu tur hunto ta participe na e prijs halto di crudo.

Restonan mortal di e dos colombianonan a worde entrega na e famianan

Publication: Tuesday, 28 February 2012. Categoria: General

Ministerio Publico
ORANJESTAD (AAN): Relaciona cu e accion di detencion di Cuerpo Policial di Aruba riba 20 di Februari 2012, caminda dos sospechoso a fayece, Ministerio Publico ta informa cu e restonan mortal di e personanan aki a worde entrega na e famianan.
Ministerio Publico ta considera ademas importante pa informa cu den e auto den cual e sospechosonan cu a fayece tabata sinta riba e dia en cuestion, a worde haya diesdos (12) kilo di cocaine.

Ambos detencion den fichanan horta na Crystal a ser prolonga

Publication: Tuesday, 28 February 2012. Categoria: General

ORANJESTAD (AAN): Ambos sospechoso den e caso di ficha di Casino na Crystal ta keto bay sera. E cantidad di fichanan cu e empleado a coy ta bastante. A haya un total di 68 ficha di 100 dollar cada uno den saco di carson di e empleado. Ademas di esey el a duna un persona cliente den casino un total di 13 ficha.
E dos sospechosonan ta Edsel R kende ta traha mas cu 20 aña den e casino y Ebby S kende ta e hungador y ta conoci den e mundo di seguro na Aruba.
E trahador di Casino ultimo dianan a cuminsa actua straño. E tabata actuando manera un hende cu no ta 100% bon di cabez. El a bay asina leu pa coy ficha sin mas hinca den su saco. Te hasta el a duna e hungador den casino e 13 fichanan.

Departamento di Salud Publico (DESPA) ta haci un yamada na tur hoben pa forma parti di “Youth Health Survey 2012”

Publication: Tuesday, 28 February 2012. Categoria: General

Hobennan entre 12 y 19 aña bayendo school secundario!
ORANJESTAD (AAN): Departamento di Salud Publico kier informa pueblo di Aruba cu Youth Health Survey 2012, un investigacion bou di nos hobennan cu ta bay school secundario, organiza pa Ministerio di Educacion y Justicia, Ministerio di Salud Publico y Deporte y Organizacion Pan Americano di Salud (PAHO) lo cuminsa awe diamars dia 28 di februari 2012 na EPB Hato y EPB Santa Cruz. E investigacion ta pa haya sa mas di comportacion, actitud, conocemento y percepcion di hobennan entre 12 pa 19 aña di edad, relacion entre nan, relacion familiar, salud sexual, HIV, uzo di substancia, uzo di servicio di salud, salud social y mental, nutricion, higiena, actividad fisico, ambiente escolar y salud dental. E investigacion lo tuma luga na school, durante ora di school.

1600 florin a somenta for di un tas

Publication: Tuesday, 28 February 2012. Categoria: General,Policial

ORANJESTAD (AAN): Polisnan di Team Palm Beach, diadomingo atardi a bay na un high rise hotel relaciona cu ladronicia. Na e hotel, polisnan a atende e señora di inicialnan T.A.D. di 31 aña naci na Jamaica y biba na Aruba.
E señora a declara, e dia en cuestion a worde horta 1600 Florin for di su tas y e ta desea di entrega keho.

Un herido leve den accidente na Cumana

Publication: Tuesday, 28 February 2012. Categoria: General

ORANJESTAD (AAN): Dialuna den oranan di merdia pasa di 12 or na e T-kruising dilanti Codemsa na Cumana a sosode un accidente. Un persona a resulta levemente herida.
Na yegada di patruya ta constata cu e pickup blanco di Total Cleaning Services e chauffer no a duna preferencia na e Sentra biniendo di pabou. Esey a haci cu e autonan a dal den otro.

Automobilistanan tene cuenta cu e caminda cu tabata bay zuid pabou di Unicon a bira verboden

Publication: Tuesday, 28 February 2012. Categoria: General

ORANJESTAD (AAN): Debi na e cambio den trafico cu ta tumando luga na diferente caminda, ta bon pa recorda e automobilistanan cu e caya cu tin pabou di AMC Unicon bay zuid a bira un caya verboden pa drenta aden.
Asina mes cu dos borchi poni ambos banda di caminda por a mira con keto bay automobilistanan ta cana drenta e caya aki manera tabata e custumber antes, sin paga tino cu e borchinan

Fundacion CAS lo cambia pa Asociacion cu meta pa fortifica derechonan di e consumidor

Publication: Tuesday, 28 February 2012. Categoria: General

Diaranzon aki lo trece puntonan dilanti:
ORANJESTAD (AAN) – Den un entrevista cu DIARIO a realiza cu señor Leo Yarzagaray, presidente di Fundacion CAS, el a duna di conoce cu e instancia aki ta bay cambia di identidad huridico, y envez di un fundacion lo bira un Asociacion pa defensa di e consumidor.
“Den e transcurso di añanan nos a bin realiza cu ta necesario pa envez cu nos tin e identidad huridico di Fundacion, cu ta un organizacion sin miembro, nos bira un Asociacion, cu tin miembronan cu por sali na defensa y promocion di interes di e consumidor”, señor Yarzagaray a expresa. Tabata tin discusionnan caba si ta bon pa e fundacion keda solamente na interes di e consumidor, of si mester amplia esaki y bin cu un asociacion di ciudadanonan di Aruba.

Boto accidenta riba tera na Sasakiweg

Publication: Tuesday, 28 February 2012. Categoria: General

ORANJESTAD(AAN):– Diabierna anochi polis a wordo manda pa Sasaki direccion luz di trafico di ex Adventure Golf.

Esaki pa un boto cu tabata riba caminda.
Na yegada di e patruya a bin topa cu un boto riba su trailer para parcialmente tambe riba caminda.

E doño di e boto a conta cu e tire di e trailer a kibra y cu e boto a raspa riba e caminda.

Examen pa karatecanan di SHotokan Karate Do Aruba

Publication: Tuesday, 28 February 2012. Categoria: Deporte,General

ORANJESTAD (AAN)- Diasabra 25 di Februari, 22 alumnonan di karate a hasi examen pa cambio di faha. E alumnonan ta di Academia Shotokan Karate-Do Aruba, situa na e mall di Tanki Leendert 249. Cu hopi esfuerzo y perseverancia desde 4:30 di atardi te cu 10:30 di anochi, e alumnonan a logra nan meta.

Peaton Epigenio van der Biezen a bira otro morto den trafico

Publication: Monday, 27 February 2012. Categoria: General

Un peaton a fayece na Hospital
ORANJESTAD(AAN): Diabierna
anochi a sosode un accidente basta
serio net na altura di e rotonde
di Pos Chikito.
Aki un ciudadano, Epigenio
van der Biezen, canando na
pia, a subi caminda sin paga tino
a wordo gedal pa un auto
net prome cu e rotonde.
Mesora polis y ambulance a ser
manda na e sitio.
Eybao e victima tabata mustra di tabata tin hopi golpi na su curpa.
Cu urgencia a bai cune Dr Horacio Oduber Hospital. Eynan dokter a cuminsa atende mesora pa purba sakba su bida. Ademas di e dal su cabez fuertemente na rand di e windshield, e tabata tin tambe pianan fractura. Tabata un impacto fuerte.

Partidonan na mesa a delibera y hunto ta studia e miho solucion pa Aruba

Publication: Monday, 27 February 2012. Categoria: General

Cumbre na Aruba riba gas y petroleo riba su mes ta un logro
ORANJESTAD(AAN): Mundialmente e crisis riba petroleo ta un punto di preocupacion grandi. No ta pasa un dia cu e noticia di prijs halto y creciente di crudo no ta den luz di atencion. Na Aruba e situacion aki ta afectando nos tambe, sigur pa e isla chikito y vulnerabel cu nos ta. Valero Aruba ya algun luna atras a anuncia di lo cera su portanan meramente pa e prijs di crudo cu ta asina halto cu ta pone cu su operacionnan ya no ta rendabel. Un situacion ilustrativo di loke ta pasando mundialmente.

Combersacion y negociacionnan di e siguiente simannan ta determinante pa e futuro di refineria di Aruba

Publication: Monday, 27 February 2012. Categoria: General

No a papia di deadline cu Valero, segun Prome Minister:
ORANJESTAD (AAN) – Prome Minister mr. Mike Eman, a duna di conoce den entrevista cu Matutino DIARIO, cu durante e reunion di Diabierna cu ehecutivonan halto riba materia petrolero, nan a yega na un acuerdo cu ta consisti di tres punto. E empresanan y paisnan presente a palabra cu nan tin interes riba un partnership pa loke ta trata e refineria y pa sigui discuti riba e parti aki. Tambe a palabra riba e interes cu tin pa exploracion di gas na Aruba, entre Repsol y Ecopetrol, y riba e interes grandi cu tin entre Gas Unie, Repsol, Ecopetrol pa loke ta trata suministro di gas pa nos pais, y naturalmente tur cos den combinacion cu Pais Aruba.
“ Tur e combinacionnan aki a pone nos den un mehor posicion, cu simplemente ora bo ta papia riba un problematica na e momentonan aki di crudo y di e refineria.