Peaton Epigenio van der Biezen a bira otro morto den trafico
Un peaton a fayece na Hospital
ORANJESTAD(AAN): Diabierna
anochi a sosode un accidente basta
serio net na altura di e rotonde
di Pos Chikito.
Aki un ciudadano, Epigenio
van der Biezen, canando na
pia, a subi caminda sin paga tino
a wordo gedal pa un auto
net prome cu e rotonde.
Mesora polis y ambulance a ser
manda na e sitio.
Eybao e victima tabata mustra di tabata tin hopi golpi na su curpa.
Cu urgencia a bai cune Dr Horacio Oduber Hospital. Eynan dokter a cuminsa atende mesora pa purba sakba su bida. Ademas di e dal su cabez fuertemente na rand di e windshield, e tabata tin tambe pianan fractura. Tabata un impacto fuerte.
Autoridad di cuerpo policial a cuminsa cu un investigacion basta grandi na e sitio. Diasabra atardi a drenta informacion for di Dr Horacio Oduber cu e victima peaton cu a ser gedal a fayece. Paz na su restonan y hopi forza na e famia.
