Servicio di Impuesto no kier yega areglo y awor 30 tata di famia ta sin trabao
Un otro compania ta cera su portanan
ORANJESTAD (AAN): E compania Hulk Honey Transport & Construction NV a caba di cera su portanan Diaranzon cu a pasa! Aunke nan a caba di haya un cantidad di contract di trabao nobo, cu balor di miyones…. esnan di SIAD no kier tende nada y ni ta worry cu e situacion, y ta djis forza e compania cera su portanan. Ta asina hopi SIAD odia comercio di Aruba?
Segun gerente Dirksz di Hulk Honey, lamentablemente nan compania mester cera nan porta y laga 30 famia sin entrada. SIAD a pone beslag riba nan entrada cu nan a haya for di NV Elmar pa paga e trahadornan.
“SIAD no kier yega na ningun areglo, pa motibo cu nos a yega di haya un areglo y y no a cumpli manera mester ta pasobra nos tabatin un ‘Consultant” kende envez di yuda nos, a sa di bay cu tur nos trabaonan.”
Segun Dirksz, Dios ta grandi y no ta drumi.
Awor e trahadornan aki tin net dos luna sin mira un cent.
“SIAD su hendenan, sigur a cobra y paga nan debenan y por festeha y djodjo cu e salarionan grandi cu nan tin!”
Na opinion di Dirksz, Ministronan mester busca un solucion! Yuda nan haya nan salario di dos luna, nos tambe tin debe.
Apesar di a presenta cu prueba cu e compania a caba di haya un trabao grandi for di Gobierno balora na casi mey miyon, y un contract di Elmar full aña cu un suma cu por paga tur debe di SIAD… tog no a bin cu solucion.
Hulk Honey Transport & Construction ta kere cu pa hiba Aruba dilanti, mester por yuda otro. Den e caso di nan, esey no a socede.
Pues si tur hende mester cuminza pensa manera SIAD ta pensa… aki poco tempo ta poco Arubiano lo bay tin negoshi na Aruba.
Awor 30 famia ta sin salario debi na leynan stipula pa SIAD.
Joonchi
Si bo debe bo mester paga, as simple as that !!!