Home General Un total di 9 detencion a cay den pelea y bululu pafor...

Un total di 9 detencion a cay den pelea y bululu pafor di EPB Hato

39
0
SHARE
- Advertisement -

Pueblo ta sclama pa laga nan keda encarcela te despues di Carnaval…
ORANJESTAD (AAN): Diahuebs tabata un merdia keto na e school Educacion Profesional Basico (EPB) ora cu e paz a kibra cu tiro y gritonan di hoben den confrontacion di dos gang parti pafo.
Esaki ta e grupo di Seroe Patrishi y Dakota den cura pafor di e school na Hato. Tabata algun minuut pasa despues di 12 or di merdia ora un hoben biba na Dakota tabata tras di stuur a haya susto di su bida ora a tira baranca riba su windshield.
E hoben cu auto Toyota Altezza color blanco cu number A-36394 a perde control y dal den un transhi. E hoben na stuur a baha pa reclama e gang di hoben cu a tira e baranca riba su auto y e ora un bataya campal a cuminsa.

Segun testigonan a tende diferente biaha sonido di tiro. Den e pelea e hoben tras di stuur den e Altezza a haya un kap cu machete na su curpa y a keda herida. E pelea tabata entre hobennan di Gang di Dakota y Seroe Patrishi. Ora Polis a yega a purba di establece ordo, pero den un frega di wowo e situacion a bay for di man. Mokete y scop a skeiro. Hobennan a falta respet na Polis, yamandonan pa tur sorto di palabranan insultante y malo.

Un cantidad di patruya a yega na e lugar, helicopter a bay den aire. Den e boroto Polis a logra pone man na varios hoben cu a lanta contra Polis. Auto di transporta preso tabata rekeri pa transporta e hobennan pa Warda di Playa.

Durante e pelea un par di hoben a burla di husticia y huy den un Toyota Yaris cu stuur na man drechi colo roos cu number A-30885 y un Toyota Tercel color cora.
Un rato despues nan number a hunga y tambe a keda deteni. E Toyota Yaris a keda confisca na e casnan di Pueblo na Seroe Patrishi y cu Takelwagen a ser hiba warda.

Aparentemente un bon conoci di Polis tabata entre tur e detenidonan. A rekeri presencia di ambulance na Warda di Playa pa trata algun herido, pero nada di gravedad.
Recherche y departamento technico a bay na e lugar pa recolecta evidencia. Un di polisnan tambe a haya golpi fuerte na wowo. Parce cu polis ta na altura di tur loke ta pasando pasobra tata di e victima a notifica nan.

ia di Betico mes tabata tin basta problema unda a manda baranca y boter riba e auto den cura na Tarabana. Na dado momento como tata bo tambe ta fada di henter e problema aki y claro cu lo sali na defensa di bo yiu.

- Advertisement -

DUNA COMENTARIO

Please enter your comment!
Please enter your name here