Virus straño afectando hopi di nos muchanan!
Paga tino cu peishi den planta di man y boca:
ORANJESTAD (AAN) – DIARIO a ricibi diferente yamada di mayornan cu ta conta cu nan yiunan chikito ta na cas, sin por bay crèche of school, debi na un virus straño cu ta afectando hopi di nos muchanan! E virus ta worde describi como peishi cu ta sali den henter nan curpa, braza, man, cara, boca cu ta grawata hopi y cu ora di bay docter cu e criatura e mayornan ta haya sa cu no ta un virus comun, conoci na Aruba y docternan mes no sa ki tipo di malesa e ta.
Unico cos cu docternan por bisa ta cu ta trata di un virus hopi contagioso y cu e mucha mester keda cas. No ta conoci si e ta ataca adultonan, ta parce cu te awor ta cerca mucho so e ta presenta y ta dificil pa laga un mucha den hospital door cu no tin un afdeling pa isola mucha cu tin un malesa contagioso asina.
E no ta mescos cu sarampi, bruela of otro di e tipo di malesanan cu ta crea peishi. E por bin acompaña cu keintura pero tambe sin otro sintoma apart di e peishinan.
Den planta di man e mucha ta haya hopi mes. Si tin mas mayor cu ta nota cu nan yiu ta cuminza saca peishi den planta di man, cara, boca etc., hibe docter mesora. Ta di spera cu pronto e docternan por identifica e malesa aki y di unda e por bin.
eveline
Mester wak si e virus aki yama scarlet fever ,si ta esei e ta hopi kontagioso i peligroso si no trate bon, mucha por muri di dje . wak e website aki.http://en.wikipedia.org/wiki/Scarlet_fever
Paola
E por ta “hand foot and mouth”, e ta un virus no peligroso y comun na hopi lugar. Mucha chikitu ta hanja puistjes na planta di man y pia, y rond di boca:
http://en.wikipedia.org/wiki/Hand,_foot_and_mouth_disease
maki
Adultonan por haya e virus tambe!! pero e virus no ta peligroso
vani
Mi tbt 4 siman pasa na aruba vakantie mi so….awo cu ma bin hulanda despues di un siman mi yui chiquito di dos anja a hanja e tipo di e virus aki locual ami ta kere ta cu ami a bin cu ne hulanda, pero ami no tbt tine ….algo cu mi no ta compronde ,.. paso e no a bai aruba cu mi …pero ainda e ta malo aki na hulanda nan no sa kiko e ta precies nan a bisami ta un virus cu un hende a pege cu ne pero aki min wak nuin hende malo cu e virus …. na aruba si min ta corda … nan a dunami un crema pa hunte cu ne pero ainda e tine ….su cuero di su dedenan a habri… bo por hasta wak su carni bibo e ta jora di dolor annochi …. mi mes no sa kiko mas pa hasi plse si boso tin mas information sobre e virus aki of con pa cure …lagami sa por favor ..
Danki!