Home General Acusado ta sali den libertad dia 7 di Maart y tin cu...

Acusado ta sali den libertad dia 7 di Maart y tin cu bay corte dia 14 di Juni pa tratamento di su caso

1
0
SHARE
- Advertisement -

ORANJESTAD(AAN): Diabierna Ruben R.W. a presenta dilanti di huez na corte di husticia, pa motibo cu el a wordo acusa di intento di ladronicia di propiedad di un persona riba 7 di Januari 2012. J.G.H.B. tambe tin cu presenta dilanti di huez awe, debi na e hecho cu e ta wordo acusa di ladronicia di scooter di un persona riba 24 di November 2011. Tambe e ta wordo acusa di, cu e intencion di causa daño fisico pisa na un persona, a dal e persona aki asina violente cu un of mas mokete den cara y/of cabez riba 15 di October 2011, cu el a kibra su cachete.
E caso no por a wordo trata ainda y fiscal a indica cu dia 14 di Juni e caso lo por wordo trata.
Mirando esaki, abogado Hart representando R.W a pidi huez pa laga su cliente den libertad pendiente di tratamento di e caso na Juni, pasobra sino e chens lo ta basta grandi cu e lo sinta mas largo den detencion, cu e castigo cu e ta bay haya.

Ademas di esaki R.W a pidi pa e haya un chens di busca tratamento pa Sali for di su adiccion.
Hue a bisa cu den e dossier di e caso tin suficiente indicacion di culpabilidad di e acusado y cu e acusado durante ultimo añanan a haya su mes den problema cu husticia na diferente occasion.

Huez a bisa sinembargo cu mirando cu e caso lo wordo trata te na Juni, di berdad e chens ta grandi cu e acusado lo a sinta mucho largo den detencion preventivo.

Huez a bisa cu si R.W sinta te cu dia 7 di Maart, esey ta cuadra cu e cantidad di castigo cu muy probablemente e lo por haya.

Pues huez a bisa cu dia 7 di Maart R.W lo bay wordo laga den libertad y cu dia 14 di Juni e tin cu presenta na corte pa tratamento di e caso.

- Advertisement -

DUNA COMENTARIO

Please enter your comment!
Please enter your name here