Home Hudicial Castigo di 6 luna di cual 3 ta condicional, pa exportacion di...

Castigo di 6 luna di cual 3 ta condicional, pa exportacion di 491 gram di cocaina

0
0
SHARE
- Advertisement -

ORANJESTAD (AAN): Shahaila F.C naci y biba na Curaçao a presenta dilanti di mesa berde di huez na corte di husticia Diabierna, debi na e hecho cu el a worde acusa di exportacion di cocaina riba dia 23 di December 2011. Ta asina cu riba dia 23 di December S.C tabata preparando pa bay riba un buelo pa Hulanda y na dado momento e cacho anti droga a reacciona positivo riba su maleta di man. Mirando esaki, autoridadnan a check su maleta grandi tambe.
E maleta grandi tabata sinti un tiki mas pisa cu normal y nan a ripara cu e man di e maleta tabata mustra diferente.
Nan a traha un buraco den e man y puiro blanco a Sali afo.
Autoridadnan a haya den e maleta tambe un total di 12 pakete di droga y den e maleta di man nan a haya 10 pakete.

Tabata trata di un total di 491,1 gram di cocaina.
E muher mesora a admiti cu hendenan tabata bay page bon placa pa e bay Hulanda cu e droga.
El a splica cu como cu e tabata tin mester di placa pa cria su tres yiunan, el a dicidi di purba pasa cu e droga.

Huez a bise cu e kier a yuda su yiunan door di comete un crimen serio y awor cu el a worde gara e ta den un situacion ainda peor.

Fiscal a exigi un castigo di 7 luna, di cual 3 luna ta condicional.
Tur esaki kitando e 76 dia caba cu S.C a sinta den detencion preventivo.
Abogado Lianne Keteldijk Pieters a pidi huez pa tene cuenta cu e hecho cu su cliente nunca antes a yega di haya problema cu husticia.

E abogado a pidi huez tambe pa tene cuenta cu e hecho cu S.C a haci locual el a haci pasobra su yiunan tabata biba den un situacion hopi deplorable.
El a bisa tambe cu Shahaila den KIA a haya ayudo incluyendo ayudo spiritual, pa asina e cambia su bida.

E tin e hopi dificil na KIA mirando cu su yiunan y famia ta biba na Curaçao, pues e no ta haya bishita na prison.

Su yiu nan no ta wak e y ta na telefon so e por comunica cu nan.
Pieters a pidi huez pa duna su cliente un castigo igual na e tempo cu el a sinta caba den detencion preventivo.

Huez na final a teen cuenta cu tur cos cu a worde treci dilanti pa e fiscal y e abogado y a dicidi di duna S.C un castigo di 6 luna, di cual 3 luna ta condicional.

Esaki kitando e 76 dianan sinta caba den detencion preventivo.
Esey kiermen cu dentro di alrededor di 2 siman e lo Sali liber.

- Advertisement -

DUNA COMENTARIO

Please enter your comment!
Please enter your name here