Home General Consehera di Hillary Clinton lo ta orador invita na Aruba

Consehera di Hillary Clinton lo ta orador invita na Aruba

1
0
SHARE
- Advertisement -

Durante Aruba Women’s Day Conference riba dia 8 di maart proximo
Dr. Jean Houston ta un docente, autor y consehero reconoci mundialmente
ORANJESTAD (AAN)* Falta apenas un par di dia mas pa e evento titula “Aruba Women’s Day Conference” tuma luga dia 8 di maart proximo. E evento ta cuminsa 9:30 di mainta y ta sigui te 4:30 di atardi den Renaissance Convention Center y entrada ta completamente gratis.  Manera Minister Michelle Hooyboer-Winklaar ya a menciona, esaki ta bay trata di un tremendo dia di tayer, unda cu tur hende tin e oportunidad di engrandece mas conocemento tocante e temanan importante y relevante, cu ta directamente relaciona cu e bienestar di nos hende muhenan en general.

A invita algun orador masha pisa for di exterior pa dirigi nan mes na e hende muhenan di Aruba. Un di nan cu sigur lo capta hopi atencion, ya cu e tabatin e funcion di consehero di Bill y Hillary Clinton ta Dr. Jean Houston. E ta un docente, autor y investigado, el a funda “Theexterior pa Foundation for Mind Research” hunto cu su casa, dr. Robert Masters. Tambe e ta un fundado y directora di Mystery School, desde 1982, cu ta un scol di desaroyo humano, un programa di ‘cross-cultural’, estudio mitico y spiritual, dedica na enseñansa di historia, filosofia, e “New Physics”, psicologia, antropologia, mito y hopi dimension di potencial humano. E ta guia tambe un programa intensivo den arte social, unda cu e lidernan di tur parti di mundo ta bin pa studia cu Dr. Houston y su distinguido socionan.

Como escritora tambe el a destaca y a skirbi 26 buki, incluyendo A Passion for the Possible, Search for the Beloved, Life Force, The Possible Human, Public Like a Frog, A Mythic Life: Learning to Live Our Greater Story y Manual of the Peacemaker.


Como consehero den desaroyo humano y cultural pa UNICEF, unda e ta trahando desde 200, el a implementa algun di nan programa extensivo educacional y di salud. El a yuda Hillary Clinton skirbi e buki It Takes A Village To Raise A Child. Tambe el a traha cu president y sra. Carter y a conseha e lidernan den posicion similar den hopi pais y cultura.

Jean Houston sin duda tin hopi conocemento y experiencia pa comparti cu e comunidad Arubano, ya cu el a traha den mas di 40 cultura y 100 pais, yudando nan pa mehora y profundisa nan singularidad, mientras nan ta formando parti di e comunidad global.

Su habilidad pa inspira y yena hende cu energia y ta permiti’e cu facilidad transmiti su vision – e logro mas agradabel posibel di potencial individual. Pues no perde e gran oportunidad aki di cera conoci cu un dama ehemplar y yena di dinamismo, ya cu e tambe ta cla pa comparti su experticio cu e comunidad Arubano.

- Advertisement -

DUNA COMENTARIO

Please enter your comment!
Please enter your name here