Diaranzon lo tin caso pa retiro di periodista for di un matutino

Publication: Tuesday, 13 March 2012. Categoria: General

ORANJESTAD (AAN): Diaranzon den oranan di merdia lo tuma luga tratamento di e caso pa retiro di e periodista Hareld Faro for di e matutino unda cu e ta traha den Weststraat. Den luna di februari e periodista, kende tin mas cu 20 aña laborando na dicho matutino a worde sorpresa cu un carta den cual nan ta mande cu vakantie y na mesun momento ta informe cu a cuminsa un procedura legal pa pidi su retiro na Corte, pero sin pago. Pues nada pa e 20 añanan di servicio cu el a dedica na e matutino desde su comienzo. Segun por a compronde, e problema ta e incompatibilidad entre e hefe di redaccion y e doño director. Ta worde cuestiona noticia cu no tin den e matutino y diferente aspecto mas. E periodista, kende a cuminsa na La Prensa y despues a bay Bon Dia Aruba ora cu esaki a lanta, a dicidi cu e tambe ta busca abogado, mr. Carlo, pa ora e caso worde trata den Corte diaranzon.

E ta bira un situacion interesante pasobra ningun caminda por manda un hende cas, sin un hustificacion di peso grandi y sin pago.

Mas ainda ora cu e periodista aki a dedica casi 21 aña di su carera na dicho matutino. Desde cu e director nobo a asumi, por a compronde varios persona a bay of el a retira nan.

Leave a Reply