Home General Drs. Rene Herde: Presupuesto 2012 a logra haya apoyo di dos tercera...

Drs. Rene Herde: Presupuesto 2012 a logra haya apoyo di dos tercera parti di Parlamento

0
0
SHARE
- Advertisement -

ORANJESTAD(AAN):E votacion di e presupuesto 2012 riba su mes a bai hopi bon segun e lider di e fraccion di AVP. Rene Herde a splica cu e tabata un sosten historico pasobra dos tercera parti di Parlamento a duna nan apoyo na e Ley di Presupuesto. Y a splica cu nan fraccion mester tabata critico den e preguntanan haci na Ministernan. “Pa prome biaha den historia di nos pais e presupuesto di gobierno ta wordo aproba cu sosten di dos tercera parti di parlamento!!! Esaki ta djis un di e echonan historico di e tratamento di presupuesto 2012. Un total di 14 di e 21 miembronan a vota na fabor pa aproba e presupuesto. Tres miembro di oposicion ta entre esnan cu a vota pa sostene e maneho y e presupuesto. Un miembro di e 12 di e fraccion di AVP a vota contra di e presupuesto.

Juan David Yrausquin no ta di acuerdo pasobra e ta haya cu gobierno no a keda den e cuadro financiero acorda y pesey a vota contra. Tambe e no ta di acuerdo cu e plannan pa reconstruccion di ex-Hotel Bushiri cu tin casi 10 aña para como un ruina manera e partido MEP a bay lague.”

E lider di fraccion berde drs. Herde ta bisa cu sinembargo esaki no tabata prome biaha cu un miembro di e fraccion di AVP ta vota den un otro forma cu su fraccion. E ta recorda cu Parlamentario Lorna Varlack tambe a yega di vota contra un mocion riba enseñansa di su partido.

Y den pasado otro miembronan di e fraccion a vota diferente cu su fraccion. Esaki kier men cu no ta djis un persona ta expresa un otro opinion. Pero awor ta cla cu e partido AVP ta acepta cu nan miembronan vota segun nan consenshi y opinion.

Nan no ta wordo obliga pa vota manera resto di e fraccion y tampoco nan ta wordo saca for di e partido ora nan desvia di e liña di e fraccion. Nan no ta vota sin mas pa tur loke nan propio gobierno ta presenta of cu nan propio fraccion ta dicidi.

Loke cu a pasa den e reunion aki ta cu Gobierno a sinta scucha tur miembro di Parlamento, mescos cu a haci cu otro miembro of organisacion den comunidad. Ken cu kier duna un contribucion positivo ta wordo scucha. Haci uzo di tur bon idea. Cualkier idea cu por yuda pais Aruba, ta bon-bini. Tur amienda bon a wordo bon ricibi y a adapta e presupuesto. Pues el a bira un presupuesto carga pa dos tercera parti di e Parlamento.

Esaki ta importante pasobra mundo ta pasando den situacionnan dificil, y Aruba ta hopi chikito compara cu nan. Situacion di mundo ta dies biaha mas dificil pa e isla, y Gobierno mester balansa cada florin, pa evita cu e crisis mundial aki ta afecta su hendenan demasiado. Y cu ayudo di tur gremionan cu a wordo consulta, a logra resulta hopi bon pa e pais y pa un gran parti di su poblacion, cu tabata esnan mas vulnerabel cu ta e promenan cu mester a wordo yuda.

Y tur esaki sin tuma ningun medida. Un gran parti di Parlamento a compronde esaki. E no tabata tin ningun critica riba e posicion di su colega di fraccion Juan David, kende for di cuminsamento tabata tin posicion solido, principalmente pa locual ta e cuadro financiero y a splica esaki masha bon mes. Y a argumente bon.

E ta apoye tambe, pero e diferencia cu a pone su persona vota toch na fabor di e presupuesto, ta e situacion of manera cu Gobierno ta maneha su finanza. Gobierno ta traha un presupuesto realistico, y e resultado na final di aña ta mustra esaki.

Pero principalmente kico a logra haci te awor. Si mira e maneho cu Gobierno a hiba, e tin confiansa cu den algun tempo lo logra e cuadro financiero anhela. Na final el a bisa cu AVP no ta core cu hende ora cu nan no ta di acuerdo cu algo di e partido. Hasta Parlamentario Lorna Varlack a vota contra un mocion di su coleganan di partido

- Advertisement -

DUNA COMENTARIO

Please enter your comment!
Please enter your name here