Home General NV Elmar ta bay contribui den e ‘living lab’ cu smartmeters

NV Elmar ta bay contribui den e ‘living lab’ cu smartmeters

0
1
SHARE
- Advertisement -

Director Robert Henriquez
ORANJESTAD (AAN): Director
di NV Elmar , Robert Henriquez ta
un di personanan cu ta forma
parti di e grupo di stakeholder cu
a participa na e prome symposio
di TNO Caribe siman cu a pasa.
Sr.Henriquez a califica e proyecto
‘living lab’ di TNO Caribe uno
masha interesante pa tanto Aruba
en general como pa NV Elmar
en particular.
“Participacion di NV Elmar hunto
cu TNO den e proyecto ‘living lab’ ta
regarda e parti electrico na unda
casnan den un bario ta worde
transforma di tal forma cu nan
ta bay draai completamente riba
energia sostenibel”.


Henriquez a bisa cu hunto cu FCCA mester defini ainda cua bario ta scoge pa e proyecto aki. E contribucion di NV Elmar ta evalua con pa haci uso di e tecnologia di ‘smartmeters’ pa asina e bario riba su mes ta keda sostenibel. “Mi a haya e prome symposio aki uno hopi informativo.

 Nos a comparti ideanan cu otro pa loke ta proyectonan cu tin riba mesa caba y con sigui desaroya nan. Nos tambe a pone riba mesa kico tur nos di NV Elmar ta haciendo y unda e prioridad mester ta. door cu a envolvi asina hopi instancia nan tur ta na altura kico tur ta tumando lugar y con por yuda otro. E sesion di awe ta un comienso di algo cu pa basta tempo caba instancianan tabata pidi p’e”.

Smartmeters por lo general ta metronan electrico cu ta graba e consumo di coriente. Esaki ta pa monitor e uso diario y tin como meta tambe pa regula e uso di coriente.

Director Henriquez a bisa cu ainda falta dos instancia importante pa enforsa e grupo di stakeholder cu sin duda den un siguientre sesion ta join e team cu actualmente ta consisti di entre otro FCCA, WEB Aruba NV, Setar NV, NV Elmar, TNO Caribe y miembronan di Infra-Team. “E ta un bon comienso pa traha miho cu otro”.

- Advertisement -

1 COMMENT

  1. Mi no ta compronde pakico NV Elmar no ta splica kico e proposito di un smartmeter ta na su clientela y pueblo di Aruba! Un Smartmeter ta wordo usa no solamente pa registra consumo di corriete, pero ta pa juda e consumidor pa adapta su uso ora tin 3 differente tarifa cu ta wordo jama TIME OF USE esta “TOU” unda cu ta crea un table y ta mustra un cliente si e usa corriente despues di 7’or di anochi pa 7’or di mainta ta considera OFF PEAK e orario di mas barata, y entre 7-11 am MID peak cu ta un tarifa un tiki mas halto, di 12-5 ON Peak cual ta e tarifa premium (cu generalmente ta wordo cobra na e tarifa di mas halto) Pero pa cobra Pueblo di Aruba pa un smartmeter cu ta ongeveer 250$ anto cobra nan como un “debt retirement charge” riba nan cuenta di corriente mensual anto sin ta ofrece pueblo di aruba, un rate di drechi ta mihor cu no accepta e smartmeter mes, Esaki ta e rate pa un smartmeter por funciona drechi

    OFF PEAK TA 0.062 CENT/KWH ORARIO TA 7PM-7AM DIALUNA PA DIABIERNA, FULL WEEKEND CUMINSANDO DI 7 PM DIABIERNA TE CU 7 AM DIALUNA

    MID PEAK TA 0.092 CENT/KWH ORARIO TA 11AM-5PM DIALUNA PA DIABIERNA

    ON PEAK TA 0.108 CENT/KWH ORARIO TA 7AM-11AM Y 5PM PA 7PM DI DIALUNA PA DIABIERNA.

    SI ELMAR por haci esaki pa pueblo di Aruba, NOS por catergorisa NV ELMAR COMO>>>> SMART ELMAR!!!

    Y si ELMAR NO POR COMPETI CU E RATE AKI NO GANJA PUEBLO CU UN METER CU NO TA FUNCTIONA NA NAN FABOR PERO SOLAMENTE NA ESUN DI BO CUENTA DI BANCO!!!

    Y PA TUR ESNAN CU TA LIVING GREEN, POR LESA UN ARTICULO PUBLICA RIBA http://smartmeterskill.com
    Y LESA KICO SMARTMETER POR HACI OF AFFECTA DEN BO SALUD!!!!

DUNA COMENTARIO

Please enter your comment!
Please enter your name here