Minister Mike de Meza pronto ta bay core den un auto ‘berde’
ORANJESTAD(AAN): Durante un evento elegante Garage Cordia a presenta na su invitadonan e prome cargamento di autonan hibride di marca Toyota na Aruba. E autonan ta bunita cu tur clase di seguridad y comfort, pero mas cu tur cos nan ta gasta masha poco gasolin cu a lo largo ta haci e inversion den un auto hibride uno masha obvio.
ORANJESTAD(AAN): Abogado mr. Chris Lejuez den un declaracion duna a splica cu e ta representa e Marinier Hulandes kende ta deteni relaciona cu e accidente fatal na crusada di Mahuma, caminda dos di su coleganan a perde nan bida.
Den e accidente aki di dia 9 di maart, un di e fayecidonan tabata alabes un bon amigo di dje. Segun e Abogado a splica, defensa ta sali for di punto di bista cu aki ta trata di un caso Hulandes cu mester wordo trata door di un Hues Hulandes. Den leynan tin un excepcion pa militarnan. Y ta agrega cu tur militar Hulandes na mundo, ta cay bou competencia di Hues y Leynan Hulandes. Y aki na Aruba tambe tin un camber militar, caminda ta trata e casonan aki. Recientemente, segun mr. Lejuez a splica, Fiscal a pidi prolongacion di e marinier aki.
ORANJESTAD(AAN): Despues di un negociacion basta largo, sindicato STA y gerencia di Aruba Airport Authority a logra yega na un acuerdo diaranson mainta pa loke ta e Contracto Colectivo nobo. Den combersacion cu Peter Steinmetz, director di aeropuerto, el a splica cu awor tur loke cu a keda palabra, riba mayoria y principal puntonan, lo mester worde poni preto riba blanco ainda, y esaki lo tuma algun dia mas.
Cada partido lo mester bay den nan seno pa haya e aprobacion necesario, apesar cu esaki tabata algo cu e negociadornan a logra yega na dje na mesa. Por lo menos director di aeropuerto por bisa cu Hunta di Comisario lo duna su aprobacion.
Adkiri mata, carni, berdura fresco y na bon prijs:
ORANJESTAD (AAN) – Diadomingo awor, dia 1 di April, Departamento di Agricultura, Cria y Pesca lo tin un mercado, cuminzando pa 9’ or di mainta te cu 1’ or di merdia.
Den entrevista cu DIARIO a haci cu señora Gina Maduro, el a menciona cu luna pasa nan tabata tin un mercado cu a resulta den un exito total, y e biaha aki atrobe e ta invita henter pueblo di Aruba pa bishita Santa Rosa.
Nan lo tin na benta diferente producto, manera mata, carni di cabrito, carne y porco fresco, y varios articulo nobo manera keshi fresco traha na Aruba, varios cunukero lo bin cu nan productonan di tera, y fuera di esey lo tin tent cu cuminda crioyo manera papaya stoba, calco, y lobster.
ORANJESTAD (AAN): Informenan cu a yega na nos mesa di redaccion ta indica cu Ritz-Carlton a anuncia su expansion cu un hotel na Aruba.
E cadena hotelero a laga sa cu nan lo habri na October 2013 un exclusivo resort “ocean view” na Palm Beach. E hotel aki lo bira e di siete propiedad di Ritz Carlton den Caribe.
E resort di 320 camber, actualmente den construccion, lo conta cu varios restaurant, un spa di luho, dos piscina y un casino habri 24 ora. Ademas di cambernan espacioso y suites, e hotel lo inclui e asina yama The Ritz-Carlton Club Level, un piso priva accesible solamente mediante ascensor (lift) cu yabi y servicio personaliza di concierge henter dia.
ORANJESTAD (AAN) – Varios mocion cu fraccion di Partido Democracia Real (PDR) a presenta den Parlamento, a worde aproba di forma unanime.
E lider di e fraccion mr. Andin Bikker a referi na esaki den conferencia semanal di prensa na unda el a menciona algun di e mocionnan aki: uno ta e airport tax cu PDR a bin ta treciendo dilanti for di prome cu a drenta den Parlamento.
ORANJESTAD (AAN): Diabierna ultimo Minister di Turismo, Transporte y Labor, sr. Otmar Oduber a haya bishita di cortesia di Neville Every kende recientemente a worde nombra door di ATA como director di Turismo pa e area Norte Americano.
Neville Every ta un economista Arubiano biba na Panama cu un curriculum vitae impresionante, cu mas di 10 aña di experiencia den e area di finanzas y cu posicion di liderazgo den un compania mundialmente reconoci. Neville a studia y gradua na Hulanda pero a eherce su trabao na paisnan manera Brazil, Merca y Panama unda cu el a traha como Chief Financial Officer pa e area Norte Americano.
Awe 30 di maart 2012 ta cumpli nan di 4 anja e. Princess.
Nan di Famia Maduro Clarisiane y Clarisane Maduro Pabien ta bin di nan Ija stima Angelique di nan Mami Stef papi Mike ruman nan Michella y Michelangelo y di Omo (nico) un brasa grandi y sunchi di nan Wela Vicky nan Welo Nico Nos kier a desea nan hopi ana mas di bida y Salud
ORANJESTAD (AAN): E organizacion di Rainbow Warriors International, a duna comentario riba e intentonan intensivo di Ministro Mike de Meza y tambe Prome Ministro Mike Eman pa mantene e Refineria di Aruba den operacion.
Como organizacion internacional cu ta toca e tema di cambio climatico y energia renovable, Rainbow Warriors International a tuma nota di un articulo saca den vespertino Amigoe encuanto e tema di e paisnan emitor di carbon dioxide, mas contaminante na mundo. Segun cifranan di Department of Energy na Merca, e isla di Aruba ta e pais na e di 9 lugar den ranking mundial pa tonelada di carbon dioxide produci per habitante den e pais.
Drs. Mervin Wyatt-Ras:
ORANJESTAD (AAN): Segun Mervin Wyatt-Ras, durante tratamento di presupuesto di DOW y Fondo di Carretera e mocionnan presenta door di parlamentario Wyatt-Ras cu sosten di colega a keda aproba unanimamente.
Un di e mocionnan ta ensera e acesibilidad di oficinanan di hulpbestuurskantoor na Savaneta, San Nicolaas y otro districtonan.
Tambe e postkantoornan na San Nicolaas y na Playa pa asina haci esaki acesibel pa tur hende incluyendo esnan cu limitacion cu rolstoel.
ORANJESTAD(AAN): Despues di tin algun reunion benta den lama bruto tur e dianan aki porfin Arondino Croes di MEP a haya refuerzo den parlamento.
Ta comosifuera cu Evelyn cu semper ta ausente a manda Xiomara bin controla Arondino pa evita cu e ta vota na fabor di cualkier ley. Diahuebs Arondino a presenta un mocion zwak cu ningun hende kier a sosotene relaciona cu casnan social.
Dr. Horacio E. Oduber Hospital
ORANJESTAD (AAN): Na Aruba, Hospital tin diferente tarea y deber y un di e tareanan primordial ta garantisa e siguridad, privacidad y bienestar di cada pacient cu ta worde admiti. Pa por garantisa e siguridad, privacidad y bienestar di cada pacient Hospital ta sigui cierto procedimentonan pa asina preveni situacionnan cu lo por trece den peliger e siguridad di e pacient y tambe di e bishitante.
Aki DIARIO ta trece procedimentonan necesario pa bishitantenan pafo di ora di bishita:
1. Carnet di entrada cu codigo di color
E Carnet aki ta worde otorga na e bishitante cu un validez di maximo 1 dia ora cu un pacient ta acudi na por ehempel Departamento di oncologia, Cuido ambulante y tambe Sala di parto. Pa por haya acceso ta necesario pa e bishitante pasa cerca un miembro di Personal di siguridad staciona net dilanti di lift na entrada principal di Hospital na unda lo tuma contacto cu e departamento concerni pa pidi permiso pa otorga e Carnet di codigo di color. Cada color ta identifica e departamento cu bo ta bishita.
2. Carchi di bishitante
E carchi aki ta worde otorga na bishitante cu un validez maximo di 9 dia na momento cu un pacient ta hopi malo y mester di cuido di famia y tambe si bo yiu ta un pacient na Departamento di mucha. Pa haya e Carchi di bishitante ta necesario pa a papia cu e departamento concerni prome cu pasa cerca e Personal di siguridad pa asina nan ta na altura di bo situacion. Na momento cu tur cos ta regla lo bo ricibi di Personal di siguridad un Carchi di bishitante. Pa cada pacient ta otorga 2 carchi di bishitante cu nomber, fam y adres di e bishitante. Tambe ta nota e dia cu a otorga e carchi te e dia cu e ta caduca. Pafo di oranan di bishita ta necesario pa identifica bo mes cu e carchi di bishitante aki y un ID valido.
Na momento cu sosode un accidente inespera y alavez bastante grave Hospital siguramente tin comprension pe situacion y pa es motibo lo permiti pa 4 persona compaña su ser keri den Sala di espera di operacion. Esaki ta solamente den casonan extremo y despues cu Personal di siguridad a consulta cu e Hefe di departamento di Siguridad di Hospital.
Hospital ta pidi encarecidamente pa cada bishitante tene bon cuenta cu e procesonan aki mirando cu e ta pa e bienestar, siguridad y privacidad di cada pacient cu ta worde admiti den Hospital. Tambe ta importante pa recorda un y tur e oranan di bishita cu ta di 11.30 di mainta te cu 1or di merdia. Tambe por pasa bishita entre 6or di atardi te cu 8or di anochi. Pa e departamento di Cuido intensivo y Medium Care por bishita entre 12or pa 1or di merdia y 7or pa 8or di anochi. Pa por subi bay Salanan di Parto mester traha un cita.
ORANJESTAD (AAN): Diaranson mainta durante e apertura di e evento Aruba Meets Europe 2012, Minister di Turismo, Transporte y Labor, Otmar Oduber a habri e evento cu su speech “Joining efforts to enhance the experience of our visitors in Aruba”.
ORANJESTAD (AAN): Manera ta conoci diaranson, 28 di maart huez a dicta setencia den e caso unda cu Baron Investment LCC a pidi huez pa prohibi pais Aruba di otorga e terenonan di ex Bushiri y sigui negocia cu Baron contra daño y herhuicio.
Baron Investment ta e grupo cu a keda na di dos lugar den e destaho cu a tuma lugar bou di e Gobierno anterior na aña 2007, y cu e actual Gobierno a purba di yega na un accuerdo cu nan pa loke ta trata Bushiri Hotel prome cu a bay na un destaho publico nobo.
