Home General Paisnan cu tratado cu Hulanda ta acusa Premier Schotte pa permiti infiltracion...

Paisnan cu tratado cu Hulanda ta acusa Premier Schotte pa permiti infiltracion di grupo colombiano

0
0
SHARE
- Advertisement -

Godfried Adam
Escandalo den Reino Hulandes
AMSTERDAM – ORANJESTAD (AAN)* Paisnan cu Hulanda tin tratado sera cu nan, kier sa kico a pasa na Corsow cu informacionnan di nan cu a bin den man di gruponan colombiano riba encargo di minister presidente di Corsow. Lo no dura muchu cu autoridadnan Hulandes lo haña un bon bista kico exactamente servicionan dudoso Colombiano y “Independent Forensic Services” a bay hasi den e database y kluis di servicio di inteligencia di pais Corsow esta VDC.
E caso aki cual varios persona lo mester bay paga pe, cu a ser ordena pa Minister Presidente di Corsow lo bay tin consecuencia serio pa tur esnan cual lo a coopera cu paramiltarnan Colombiano y e servicio cu ta yama su mes Forensico pero cu no mester a laga nunca drenta den e sistema di VDC.
Tin reglanan cu a keda acorda den reino cu ta señala cu civil ni otronan no por haña acceso ne’saki y ta stipula articulo 37 si ley di estado di reino.
E dos hefenan di VDC cualnan ta Srs Frank Calmero y Micheal Römer lo keda interoga y lo mester bay duna cuenta y razon.

Na AIVD na Zoetermeer nan ta lamenta e practica ya cu Sr Calmero a ser ricibi algun tempo prome ke ‘affaire’ aki, cu mannan habri.
Cu auto blinda a core cune hibe tur caminda na Hulanda. A lage conoce e curazon di operacion di departamento aki na Zoetemeer, anto pa despues e dal nos un wanta den nos cara, o un puñal den nos lomba un funcionario halto di AIVD ta señala.

Pa loke ta AIVD esaki tin algun funcionario permanente na Corsow, pero ultimo dianan MIVD cu ta e servicio di inteligencia di ministerio di defensa Hulandes a manda algun funcionario pa tambe bay investiga e caso aki na Corsow.

E caso aki no ta algo cu ta cumbini solamente Hulanda o Reino, pero hopi mas pais cual tin tratado sera cu Hulanda y Reino pues.
E actuacion aki di Gobierno di Corsow a pone cu Reino y tambe Aruba ta keda gravemente atacha.

Varios pais kier sa kico di nan a bin lek pa paramiltarnan cu tin vinculo cu FARC y cu ta bende informacion aki.

Nan tambe a hasi pregunta pa medio di nan embahadornan na gobierno Hulandes. Ta un funcionario di VDC a fungi como klokkenluider y a bay serca ombudsman na Corsow y basha abao ya cu e no por carga cu esaki riba su consenshi.

E mes lo ser secuestra y intimida, menaza y obliga pa entrega password y otro detaye riba encargo di Minister Presidente Schotte.
Hulanda nunca no a duna permiso pa por laga Gabinete Schotte intercambia ni duna informacion na di servicio di inteligencia di Corsow na otronan.

Esaki Minister di Asuntonan di Reino Sra Liesbeth Spies ta sigura Tweede kamer na Hulanda den un carta cual ela manda pa e organo mas halto di gobernacion Hulandes y den reino.

Na Hulanda tin e indicacion cu ta debi cu Sr Gerrit Schotte a bin hañe den problema cu su screening ya cu e no ta integro pa por a pasa esaki, y a ser yuda pa e.o. sra Lisa Dindial kende a ocupa e puesto di hefe interino, y despues Sra Frank Calmero cu a laga servicionan dudoso cu no tin acreditacion Internacional y cu ta trata cu Farc, pa bay investiga ta ken ta esnan cu a lek informacionan di prakticanan ilisto di dje y otro miembronan di su gabinete den media y riba caya.

Manera ta conoci e ministernan di MFK na Corsow nunca no a pasa e screening manera debe ser.
Den su ansia pa persigui esnan ca actua como ‘klokkenluider’ na Corsow Schotte a laga su amigonan Colombiano y Independent Forensic Services bay den filenan di VDC loke no por segun politiconan y mandatarionan Hulandes.

Den filenan y database di VDC tin hopi informacion di Reino y tambe di asina cual tin lasonan cu Reino manera Merca.

No a keda e Minister Hulandes nada otro di confirma cu tin un problema serio cu Gobierno di Corsow y cu ta debi na esaki AIVD di Hulanda y tambe e servicio di inteligencia militar di ministerio di defensa Hulandes, MIVD ta investigando na e momentonan aki henter e practica aki cu tabata riba orden di Gerrit Schotte.

Ronald van Raak di partido SP a bisa diabierna ultimo cu e practica di Schotte ta demostra cu no por confia e gobierno di Corsow aki mas, y cu dje forma aki no por traha cu esaki mas.
Van Raak a bisa cu a bira ora pa acepta su mocionan cual ela entrega anteriormente pero cu ser nenga durante cu Minister Donner tabata encarga cu e cartera aki.

- Advertisement -

DUNA COMENTARIO

Please enter your comment!
Please enter your name here