Home General Parlamentario Independiente Marisol Lopez Tromp: Gobierno a duna atencion na su preocupacionnan...

Parlamentario Independiente Marisol Lopez Tromp: Gobierno a duna atencion na su preocupacionnan como parlamentario

2
0
SHARE
- Advertisement -

ORANJESTAD(AAN):Drs. Marisol Lopez Tromp, un di e tres miembronan independiente di Parlamento y di oposición, a vota na fabor di e ley di presupuesto 2012. Un ley cu a bin ta reuniendo riba dje den e ultimo tres simannan den forma basta intenso.
E forma cu a vota diabierna marduga riba e presupuesto tabata riba un solo ley. Antes tabata vota riba cada presupuesto apart, caminda por a duna pro y contra di cada presupuesto di e ministerionan. Pues mester evalua e pro y contra riba e presupuesto y maneho. E Parlamentario ta splica cu el a duna su aprobación na e ley aki, analizando e contestanan y enfoke cu el a pidi atencion pe: enseñanza, parti di studiantenan, parti social, e ta haya cu no solamente e contestanan cu el a ricibi, pero tambe e proyectonan cu tin andando riba e area aki, ta di vital importancia pa e famianan na Aruba.


“Hopi biaha e discusión den sala di Parlamento ta bay riba placa, pero placa ta un medio. Importante ta pa duna atención na e gruponan di meta cu mester di dje. Mi ta contento cu e amienda cu mi a entrega hunto cu Parlamentario Mervin Wyatt Ras y Andin Bikker, di e dia di scol prolonga pa e hobennan di 12 te cu 18 aña por bay scol merdia, a wordo aproba door di Gobierno.

Nan a tume den un Nota di Cambio y a voita pe. Esaki lo tin un impacto hoben grandi riba hobennan cu no tin e guía necesario y ta inclina pa cay den situacionnan manera embarazo hubenil, problema cu violencia, cu husticia, etc. Si e hobennan aki ta merdia den un “opvang” adecuado y nan mayornan por traha trankil, e tipo di problemanan aki por mengua. Door cu e ambienta aki a wordo acepta, ta un aspecto masha importante pa e Parlamentario den e area social.

Den pasado, e Parlamentario ta recorda, cu oposición a yega di sostene un presupuesto di fondo di carretera, kizas di enseñanza. E ta bisa cu loke ta pasando awor, ta relativamente nobo ora cu bo haya cu diferente votacionnan ta sali diferente. E no ta sin mas un stempel. E ta wordo traduci den diferente forma, contrario na antes. Esey ta posible y mester ta posible den e sistema di Parlamento.

- Advertisement -

DUNA COMENTARIO

Please enter your comment!
Please enter your name here