Speed Meter riba Sasakiweg

Publication: Tuesday, 6 March 2012. Categoria: General

ORANJESTAD(AAN):Dialuna den dia por a mira trabaonan andando algo mas cu 10 meter despues di e luznan di trafico banda di Fatum. Aki tabata haci preparacion poniendo un Speed Meter. Hopi chofer ta core auto pero no ta worry mes cu e velocidad cu nan mester core. Nan no ta haci esfuerzo pa mira e kilometrahe di nan auto pa asina tin un bista si nan ta coriendo duro of no. Pa algun tempo caba na Sta Cruz a mira con biniendo Playa riba e caminda principal tin un speed meter poni. Esaki hopi biaha ta un bon señal pa chofernan di vehiculonan di motor baha velocidad si nan pasa 80 KM pa ora. Awor riba Sasaki Weg tampoco mag di pasa 80 KM. Asina mes constantemente multanan ta wordo duna dor di polis pa e chofernan cu ta style di bula riba e caminda.

E grupo cu ta encarga cu e Speed Meter parce a acerca gobierno y tambe polis ta na altura di esaki. Pesey mes a bai over na pone un base fuerte di beton y dialuna a pone tambe e sistema y aparatura completo di controla velocidad na su lugar.

Dialuna a dune su man di verf tambe pasobra e mester ta algo duradero. Ta spera cu di esforma aki por yuda tambe preveni coremento duro. Esun cu haya multa ta pasobra nan mes a buske.

Leave a Reply