Victima di candela Reymond Damian a sali pa Colombia

Publication: Thursday, 22 March 2012. Categoria: General

ORANJESTAD (AAN): E victima di e candela feroz na Louvre y tambe Antraco a sali pa Colombia. Aki ta trata di Reymond Damian di 49 aña biba na Jan Flemming.
E tabata manehador di e forklifter cu a haya problemanan tecnico y dal den cantidad di boternan of blekinan flamable causando un candela grandi.
Ora cu e explosion a tuma lugar e candela a cuminsa agresivamente. E victima manehando e forklifter a keda herida y mester a worde yuda pa asina nan por a sake for di e situacion cu e tabata den.
El a kima parti di su pia, a fractura heup y a inhala hopi gas venenoso. Su situacion tabata hopi critico desde cu el a yega hospital.

A bay cune den sala di operacion y despues mande tambe den coma induci. Diaranzon a pidi presencia di un air ambulance di Colombia cu a sali cu e victima pa tratamento medico. Su situacion ta sigui critico e momentonan aki.

Leave a Reply