“Concierto Weveriana” a keda den scur ayera
ORANJETAD(AAN)– Exactamente 4 or ayera tardi a cuminza cu e “Concierto Weveriana” den Cas di Cultura. Despues di introduccion di maestro di ceremonia Sr. Ito Tromp. A presenta mes ora comienzo di e prome parti cu tabata composicionnan di Rufo Wever. Victor Camacho na piano cu Mario Middendorp na baho, Ebby Peterson na drum, Papito Rafael na wiri y Dooddle Sophia na cuarta a habri e concierto cu e wals “Encantadora” y mes ora a sigui cu e mazurca “Annette”.
Manera Victor acaba di entona e prome parti di e mazurca cu su combo, sala a bira completamente scur y sonido a bay por completo.
Coriente a bay mas o menos 4 or y 20. Problema den un transformatorhuis den Avenida Milio Croes tabata e causa.
E publico sinembargo no a bay ya cu tabata tin contacto cu companianan di utilidad y director di cas di Cultura Sr Jonathan Vieira a keda duna informacion cada tanto minuut.
E publico a keda den sala y otronan den lobby, mientras cu un di tres grupo a pasa pafo pa aire fresco mientras tanto.
Tabata pa casi 5.30 or cu coriente a bin atrobe y cu por a sigui cu e concierto.
A sigui normal cu e programa cu 3 cancionnan mas interpreta segun e programa, y na di cuatro, cu Mandy Villasmil riba piano interpretando e wals “Soñando”, ata coriente a bay atrobe net yegando 6 or mas o menos.
E ora ey si decision a ser tuma pa para e concierto y sigui cu esaki diahuebs awor.
Tin cu remarca cu diasabra publico a goza di un concierto di kita sombre den Cas di Cultura, y cu “Concierto Weveriana’ tame tabata bay den e direccion aki, mirando e programa, pero tin cu warda te diahuebs awor pa sigui goza di dje.
graciela garcia toledo
quisiera poder saber de mario middendorp. soy colombiana necesito un movil o que me llame al 3152207869