Aruba a bira contento cu noticia di e ganador di MiniMega
ORANJESTAD (AAN): El a drenta Kinesia na Palm Beach, Diamars den oranan di atardi. Cu diescinco Florin el a cumpra 3 set di number pa Mini-Mega.
Pa exactamente 6:31 p.m., e printer di Kinesia a imprimi e ticket. Riba esaki tabatin e combinacion ganador di 12, 22, 29, 30 y Megaball 08.
Pa 9’or di anochi, e sorteo di Lotto pa Deporte na Telearuba a laga e famia cu felicidad grandi! Esey ta e number cu a sali.
Chomay y su esposa Vera a bira feliz. E dama a core verifica e premio, y a confirma esey cu nan ta e ganador.
Aunke den medionan social di e isla, tabata circula otro informe cu ta un dama hoben a gane, tambe cu ta un ciudadano Haitiano, etc.
Pero finalmente ta famia Werleman di Kamay a bay cune!
Chomay ta mihor conoci como “Mai”, y ta traha pa Grenspolitie na Aeropuerto di Aruba. E numbernan ta un combinacion di fecha di nacemento di su nieta, su yiunan y fecha tambe di dje cu su casa.
El a bay kapel diamars y despues den lat a bay na un amigo na Palm Beach y cumpra tres Mini Mega. Asina el a bira e ganador.
Esaki no ta prome biaha cu nan a gana Lotto.
Algun tempo pasa e señora a gana 125 mil Florin tambe. E celebracion tabata grandi cu tur e famianan na e cas.
